ഉടുമ്പന്നൂർ: എസ്.എൻ.ഡി.പി യോഗം ഉടുമ്പന്നൂർ ശാഖയുടെ കീഴിൽ പ്രവർത്തിക്കുന്ന ഗുരുദക്ഷിണ കുടുംബയോഗത്തിന്റെ 120-ാമത് യോഗം ഇന്ന് ഉച്ചയ്ക്ക് രണ്ട് മുതൽ ടി.കെ. രവീന്ദ്രൻ കാവുംതടത്തിലിന്റെ വീട്ടിൽ നടക്കും. ശാഖാ സെക്രട്ടറി പി.കെ. രാമചന്ദ്രന്റെ അദ്ധ്യക്ഷതയിൽ ചേരുന്ന യോഗത്തിൽ ശാഖാ പ്രസിഡന്റ് പി.ടി. ഷിബു, വൈസ് പ്രസിഡന്റ് പി.ജി. മുരളീധരൻ, വനിതാ സംഘം പ്രസിഡന്റ് വത്സമ്മ സുകുമാരൻ, സെക്രട്ടറി ശ്രീമോൾ ഷിജു, എംപ്ലോയീസ് ഫോറം താലൂക്ക് സെക്രട്ടറി അജിമോൻ, യൂണിയൻ കൗൺസിലർ ഗിരിജാ ശിവൻ, ശാഖാ മാനേജിംഗ് കമ്മിറ്റി അംഗങ്ങൾ, വനിതാസംഘത്തിന്റെയും മറ്റ് പോഷകസംഘടന കളുടെയും ഭാരവാഹികൾ എന്നിവർ പങ്കെടുക്കും. എല്ലാ അംഗങ്ങളും യോഗത്തിൽ പങ്കെടുക്കണമെന്ന് ശാഖാ സെക്രട്ടറി പി.കെ. രാമചന്ദ്രൻ അറിയിച്ചു.