സമ്പർക്ക ക്ലാസുകൾ

വിദൂര വിദ്യാഭ്യാസ വിഭാഗം രണ്ടും മൂന്നും വർഷ ബിരുദ, ബിരുദാന്തര ബിരുദ, അഫ്‌സൽ ഉൽ ഉലമ (പ്രിലിമിനറി) വിദ്യാർത്ഥികളുടെ സമ്പർക്ക ക്ലാസുകൾ 3ന് രാവിലെ വിവിധ കേന്ദ്രങ്ങളിൽനടത്തും. വിവരങ്ങൾ www.kannuruniversity.ac.in ൽ

പരീക്ഷാ വിജ്ഞാപനം

അഫിലിയേറ്റഡ് കോളേജുകളിലെയും ഐ.ടി. എജ്യൂക്കേഷൻ സെന്ററുകളിലെയും ഒന്ന്, മൂന്ന്, അഞ്ച് സെമസ്റ്റർ എം.സി.എ. ഡിഗ്രി (റഗുലർ/സപ്ലിമെന്ററി) പരീക്ഷകൾ വിജ്ഞാപനം ചെയ്തു. ഒന്ന്, മൂന്ന് സെമസ്റ്റർ പരീക്ഷകൾക്ക് 6 മുതൽ 8 വരെയും അഞ്ചാം സെമസ്റ്റർ പരീക്ഷകൾക്ക് 15 മുതൽ 18 വരെയും ഓൺലൈനായി അപേക്ഷിക്കാം. ഒന്നാം സെമസ്റ്റർ എം. സി.എ. വിദ്യാർഥികളുടെയും മൂന്നാം സെമസ്റ്റർ ലാറ്ററൽ എൻട്രി വിദ്യാർഥികളുടെയും യോഗ്യതാപത്രം 6 നകം സമർപ്പിക്കണം. പരീക്ഷാ തീയതിയും ഇന്റേണൽ മാർക്ക്, എ.പി.സി. എന്നിവ സമർപ്പിക്കുന്നതിനുള്ള തീയതികളും അടങ്ങിയ വിശദമായ പരീക്ഷാ വിജ്ഞാപനം വെബ്‌സൈറ്റിൽ.

ഇ.എസ്.ഇ മാർക്കുകൾ

സർവകലാശാലാ പഠന വകുപ്പുകളിലെ ഒന്നും മൂന്നും സെമസ്റ്റർ ബിരുദാനന്തര ബിരുദ പരീക്ഷകളുടെ ഇ.എസ്.ഇ മാർക്കുകൾ 4 മുതൽ ഓൺലൈനായി സമർപ്പിക്കാം.

പരീക്ഷാഫലം

രണ്ടും നാലും സെമസ്റ്റർ എം.എസ്‌സി ഫിസിക്‌സ് (മേഴ്‌സി ചാൻസ് 2005 അഡ്മിഷൻ) മാർച്ച് 2018 സപ്ലിമെന്ററി പരീക്ഷാഫലം പ്രസിദ്ധീകരിച്ചു. പുനർമൂല്യനിർണയം പകർപ്പ് ലഭ്യമാക്കൽ, ഉത്തരക്കടലാസ് സൂക്ഷ്മപരിശോധന എന്നിവയ്ക്കുള്ള അപേക്ഷകൾ 13ന് വൈകുന്നേരം 5 മണിവരെ സ്വീകരിക്കും.

ഹാൾടിക്കറ്റ്

6 ന് ആരംഭിക്കുന്ന ഒന്നാം സെമസ്റ്റർ ബിരുദ പരീക്ഷകളുടെ ഹാൾടിക്കറ്റ് ഇന്ന് ഉച്ചയ്ക്ക് 2 മണി മുതൽ സർവകലാശാല വെബ്‌സൈറ്റിൽ ലഭ്യമാകും.