കണ്ണൂർ: സസ്പെൻഷൻ കഴിഞ്ഞ് ജോലിയിൽ തിരിച്ചെത്തിയ കണ്ണൂർ എ.ആർ ക്യാമ്പിലെ സീനിയർ സിവിൽ പൊലീസ് ഓഫീസർ

റെയിൽവേ സ്റ്റേഷനിൽ ആത്മഹത്യയ്ക്ക് ശ്രമിച്ചു. ട്രെയിൻ എത്തുന്നതിന് തൊട്ടു മുമ്പ് പാളത്തിലൂടെ നടന്ന ഇയാളെ റെ​യി​ൽ​വേ പൊലീ​സ് ഓടിച്ചെന്ന് പിടിച്ചു മാറ്റി. കണ്ണൂർ മാലൂർ സ്വദേശിയാണ്.

ഒ​രു മ​ന്ത്രി​ക്കെ​തി​രെ സമൂഹമാദ്ധ്യമങ്ങളിൽ പ്ര​ച​രിച്ച ട്രോ​ൾ ഷെ​യ​ർ ചെ​യ്ത​തി​നാണ് നേരത്തേ സ​സ്പെ​ൻ​ഡ് ചെ​യ്തത്. അടുത്തിടെ തിരിച്ചെടുത്ത് ക​ണ്ണൂ​ർ എ.ആർ ക്യാ​​മ്പിൽ നിയമിക്കുകയായിരുന്നു. അ​ടു​ത്തവ​ർ​ഷം വി​ര​മി​ക്കാ​നി​രി​ക്കെ പാ​റാ​വ് ഡ്യൂ​ട്ടി നൽകി തരംതാഴ്ത്തിയതിന്റെ വിഷമത്തിലാണ് ​ കുടംകൈയ്ക്ക് ശ്രമിച്ചതെന്നാണ് ഇയാൾ പൊ​ട്ടി​ക്കര​ഞ്ഞു​കൊ​ണ്ട് റെയിൽവേ പൊലീസിനോട് പറഞ്ഞത്.

ക​ഴി​ഞ്ഞ ദി​വ​സം ഏ​ഴി​മ​ല​യി​ൽ രാ​ഷ്ട്ര​പ​തിക്ക് സുരക്ഷയൊരുക്കാൻ നിയമിച്ചിരുന്നു. തി​രി​ച്ചെ​ത്തി​യ​തി​നു പിന്നാലെ എ​.ആ​ർ ക്യാ​മ്പി​ൽ പാ​റാ​വ് ഡ്യൂ​ട്ടി​ക്ക് നി​യോ​ഗി​ക്കുകയായിരുന്നു. ശാ​രീ​രി​ക അവശതയുണ്ടെന്നും ഡോ​ക്ട​റെ കാ​ണി​ക്ക​ണ​മെന്നും പ​റ​ഞ്ഞ് അവധിക്ക് അപേക്ഷിച്ചപ്പോൾ നിഷേധിച്ചതായും ആരോപണമുണ്ട്.