ചങ്ങനാശേരി: എസ്.എൻ.ഡി.പി യോഗം ചങ്ങനാശേരി യൂണിയനിലെ കറുകച്ചാൽ മേഖലയിൽ ഉൾപ്പെടുന്ന 46 കടയനിക്കാട്, 56 കങ്ങഴ, 57 നെടുംകുന്നം, 58 കറുകച്ചാൽ, 380 വെള്ളാവൂർ, 1128 വായ്പൂര്, 1378 പ്രയാർ, 2293 ഇരുമ്പുകുഴി, 3081 ചാമംപതാൽ എന്നീ ശാഖകളിലെ പ്രസിഡന്റുമാർ, വൈസ് പ്രസിഡന്റുമാർ, സെക്രട്ടറിമാർ, യൂണിയൻ കമ്മിറ്റി അംഗങ്ങൾ, ശാഖായോഗം മാനേജിംഗ് കമ്മിറ്റി അംഗങ്ങൾ, യൂത്ത്മൂവുമെന്റ്, വനിതാ സംഘം യൂണിറ്റ് യൂണിയൻ സമിതി ഭാരവാഹികൾ, കുടുംബ യൂണിറ്റ് മൈക്രോഫൈനാൻസ് യൂണിറ്റ് ഭാരവാഹികൾ എന്നിവരുടെ സംയുക്ത സമ്മേളനം ഇന്ന് ഉച്ചക്കഴിഞ്ഞ് മൂന്നിന് പത്തനാട്ടുള്ള കങ്ങഴ 56-ാം നമ്പർ ശാഖാ ഓഡിറ്റോറിയത്തിൽ നടക്കും. യൂണിയൻ പ്രസിഡന്റ് ഗിരീഷ് കോനാട്ട് അദ്ധ്യക്ഷത വഹിക്കും. യൂണിയൻ സെക്രട്ടറി സുരേഷ് പരമേശ്വരൻ സ്വാഗതവും വിഷയാവതരണവും നടത്തും. യൂണിയൻ വൈസ് പ്രസിഡന്റ് പി.എം. ചന്ദ്രൻ സംഘടനാ സന്ദേശം നൽകും. മേഖല കൗൺസിലർ സുഭാഷ് എം നന്ദിയും പറയും.