ചങ്ങനാശേരി: കേരള വ്യാപാരി വ്യവസായി സമിതി ചങ്ങനാശേരി ഏരിയാ സമ്മേളനം സി.ഐ.ടി.യു ജില്ലാ സെക്രട്ടറി എ.വി. റസൽ ഉദ്ഘാടനം ചെയ്തു. മുൻസിപ്പൽ ടൗൺ ഹാളിൽ ചേർന്ന സമ്മേളനത്തിൽ ഏരിയാ പ്രസിഡന്റ് ജി. സുരേഷ് ബാബു അദ്ധ്യക്ഷത വഹിച്ചു. പി.എ. അഷറഫ് അനുശോചന പ്രമേയം അവതരിപ്പിച്ചു. പ്രസിഡന്റ് ജി സുരേഷ് ബാബു അദ്ധ്യക്ഷത വഹിച്ചു. ഏരിയാ സെക്രട്ടറി ജോജി ജോസഫ് പ്രവർത്തന റിപ്പോർട്ടും, സംസ്ഥാന സെക്രട്ടറി ഇ.എസ്. ബിജു സംഘടനാ റിപ്പോർട്ടും അവതരിപ്പിച്ചു. ജില്ലാ സെക്രട്ടറി കെ.എസ്. മണി, ഇ.ആർ. റഷീദ്, പി.കെ. ഹരിദാസ്, ബിനോ ജോൺ, പത്മ സദാശിവൻ എന്നിവർ പങ്കെടുത്തു. ഭാരവാഹികൾ: ജി സുരേഷ് ബാബു (പ്രസിഡന്റ്), കെ.എ. അഷറഫ് കുട്ടി, പി.എം. സുരേഷ് കുമാർ, ദിലീപ് ശങ്കരമന്ദിരം (വൈസ് പ്രസിഡന്റുമാർ), ജോജി ജോസഫ്(സെക്രട്ടറി), പി.കെ. ഹരിദാസ്, ബിനോ ജോൺ, എ. നസീർ (ജോയിന്റ് സെക്രട്ടറിമാർ), ഇ.ആർ. റഷീദ്(ട്രഷറർ) എന്നിവരെയും തിരഞ്ഞെടുത്തു.