പാലാ: ആദ്യം മത്സരിച്ചപ്പോൾ തന്നെ സ്വർണം. ഇനിയുള്ള മത്സരങ്ങളിലും ഗ്ളോറിക്ക് സ്വർണമാണ് ലക്ഷ്യം. പാലാ സെന്റ് മേരീസ് സ്‌കൂൾ എട്ടാം ക്ലാസുകാരി ഗ്ലോറിമോൾ ജോസ് സബ് ജൂനിയർ പെൺകുട്ടികളുടെ ലോംഗ് ജമ്പിലാണ് ഒന്നാം സ്ഥാനത്തോടെ കുതിപ്പ് തുടങ്ങിയത്. ഇനി നൂറ്,​ ഇരുനൂറ് മീറ്റർ മത്സരങ്ങളിലും ഗ്ളോറി മെഡൽ പ്രതീക്ഷയിലാണ്. കഴിഞ്ഞ തവണയും ലോംഗ് ജമ്പിൽ ഗ്ളോറിയായിരുന്നു താരം. മീനച്ചിൽ കുമ്പാനി മാളിയേക്കൽ ജോസുകുട്ടിയുടെയും ലിൻസിയുടെയും മകളാണ്. സഹോദരങ്ങൾ ലിജോ, സിബു.