പാലാ : ലോക പ്രമേഹദിനാചരണത്തിന്റെ ഭാഗമായി പ്രമേഹരോഗനിർണയ ക്യാമ്പും ബോധവത്കരണ സെമിനാറും 14 ന് രാവിലെ 8 മുതൽ ഭരണങ്ങാനം ഐ.എച്ച്.എം ആശുപത്രിയിൽ നടക്കും. റോട്ടറി ക്ലബ് പാലാ, അസോസിയേഷൻ ഒഫ് ഫിസിഷ്യൻസ് ഇന്ത്യ എന്നിവ സംയുക്തമായാണ് ക്യാമ്പ് സംഘടിപ്പിക്കുന്നത്. പ്രമേഹ രോഗ നിർണയം,ആഹാരരീതികൾ, എന്നിവ സംബന്ധിച്ച ബോധവത്കരണം, പ്രദർശനം, പ്രമേഹം കണ്ണിനെ ബാധിക്കുന്നതറിയുന്ന റെട്ടിനോപ്പതി സ്‌ക്രീനിംഗ് പരിശോധന എന്നിവ ക്യാമ്പിലുണ്ടെന്ന് ഐ.എച്ച്.എം ആശുപത്രിയിലെ ഡയബറ്റീഷ്യനും ചീഫ് ഫിസീഷ്യനുമായ ഡോ.ജി ഹരീഷ് കുമാർ പറഞ്ഞു. മേരിഗിരി ആശുപത്രി ഓഡിറ്റോറിയത്തിൽ ജോസ് കെ.മാണി എം.പി ക്യാമ്പ് ഉദ്ഘാടനം ചെയ്യും. ഭരണങ്ങാനം ഗ്രാമ പഞ്ചായത്ത് പ്രസിഡന്റ് സാബു ഔസേപ്പറമ്പിൽ അദ്ധ്യക്ഷനാകും. ഡോ.ജി.ഹരീഷ്‌കുമാർ,ഡോ.വിഷ്ണു, ഡോ.ടീന അലക്‌സ് എന്നിവർ ക്യാമ്പിന് നേതൃത്വം നൽകുമെന്ന് റോട്ടറി ക്ലബ് പ്രസിഡന്റ് ജോസ് അഗസ്റ്റിൻ,ജോസ്ബിൻ മാത്യു എന്നിവർ പറഞ്ഞു. പങ്കെടുക്കാൻ താത്പര്യമുള്ളവർ 04822297370 ഫോൺ നമ്പരിൽ പേര് രജിസ്റ്റർ ചെയ്യണം.