ചങ്ങനാശേരി: എസ്.എൻ.ഡി.പി.യോഗം ചങ്ങനാശേരി യൂണിയന്റെ ആഭിമുഖ്യത്തിൽ എറണാകുളം മുക്തിഭവൻ കൗൺസലിംഗ് സെന്ററിന്റെ സഹകരണത്തോടുകൂടി യുവതി-യുവാക്കൾക്കുളള വിവാഹ പൂർവ കൗൺസലിംഗ് കോഴ്‌സിന്റെ 59-ാമത് ബാച്ച് 23, 24 തീയതികളിൽ ചങ്ങനാശേരി , മതുമൂല, എസ്.എൻ.ഡി.പി യോഗം യൂണിയൻ മന്ദിര ഹാളിൽ നടക്കും. കുടുംബ ബന്ധങ്ങളിലും, ദാമ്പത്യ ജീവിതത്തിലും ഉണ്ടാകുന്ന പ്രശ്‌നങ്ങളെ സമചിത്തതയോടെ അഭിമുഖീകരിച്ച് സന്തുഷ്ട ജിവിതം നയിക്കുന്നതിന് പ്രാപ്തരാക്കുന്ന ഈ കോഴ്‌സിൽ അവിവാഹിതരായ യുവതി യുവാക്കളും , അടുത്ത കാലത്ത് വിവാഹിതരായ ദമ്പതികളും പങ്കെടുക്കണമെന്ന് യൂണിയൻ സെക്രട്ടറി സുരേഷ് പരമേശ്വരൻ അറിയിച്ചു. ഫോൺ: 0481 2420915.