വൈക്കം: വൈക്കത്തപ്പന്റെ കലാസ്വാദകരുടെ മുന്നിൽ സംഗീത സദ്യ ഒരുക്കി ഒറീസ സ്വദേശി. ഭാരതത്തിലെ നിരവധി വേദികളിൽ നിറസാന്നിദ്ധ്യമായ പ്രശസ്ത ഹിന്ദുസ്ഥാനി സംഗീതജ്ഞ പ്രാഗ്ന്യാമിശ്ര വൈക്കം ക്ഷേത്രത്തിൽ നടത്തിയ ഹിന്ദുസ്ഥാനി സംഗീത കച്ചേരി ആസ്വദിക്കാൻ നിരവധി ഭക്തർ ക്ഷേത്രത്തിലെത്തി. തിരുവനന്തപുരം സായ് ആശ്രമത്തിലും മധുവനം ആശ്രമത്തിലും ഹിന്ദുസ്ഥാനി സംഗീത പരിപാടി അവതരിപ്പിച്ചിട്ടുള്ള പ്രഗ്ന്യാമിശ്ര പുരി എ. ഐ ആർ ലെ അനൗൺസറും നാദോപാസന കലാ അക്കാദമിയുടെ പ്രിൻസിപ്പലും ആയി സേവനം അനുഷ്ഠിക്കുന്നു. കട്ടക് ആൾ ഇന്ത്യ റേഡിയോയിലെ സ്ഥിരം കലാകാരിയായ മിശ്ര സംഗീത് മണി, സംഗീത സാധനാ സിദ്ധിമ്മാൻ 2019 തുടങ്ങിയ നിരവധി പുരസ്കാരങ്ങൾ നേടിയ കലാകാരിയാണ് ഭർത്താവ് ജമിനീകാന്ത മിശ്ര സംഗീത സദസിൽ ഹർമോണിയവും സംഗീത നാടക അക്കാദമി പുരസ്കാരം ലഭിച്ച കുമാരി രത്ന ശ്രീ അയ്യർ തബലയും ഒരുക്കി.