ഏന്തയാർ: ജെ.ജെ.മർഫി മെമ്മോറിയൽ എച്ച്.എസ്.എസ്, റബ്ബർബോർഡ്, വടക്കേൽ റബ്ബർ നഴ്‌സറി എന്നിവയുടെ സംയുക്താഭിമുഖ്യത്തിൽ ശിശുദിനാഘോഷവും ജെ.ജെ.മർഫി അനുസ്മരണവും ഇന്നു നടക്കും. ജെ.ജെ.മർഫി മെമ്മോറിയൽ സ്‌കൂൾ അങ്കണത്തിൽ രാവിലെ 9.30ന് സമ്മേളനം റബർ ബോർഡ് ഡയറക്ടർ ഡോ.കെ.എൻ.രാഘവൻ ഉദ്ഘാടനം ചെയ്യും. സ്‌കൂൾ മാനേജർ ജോസഫ് എം.കള്ളിവയൽ അദ്ധ്യക്ഷനാകും. റബർബോർഡ് ഇൻസ്റ്റിറ്റ്യൂട്ട് ഒഫ് ഇന്ത്യ ഡയറക്ടർ ഡോ.ജെയിംസ് ജേക്കബ്ബ് മുഖ്യപ്രഭാഷണം നടത്തും. 10ന് അഞ്ചു സെക്കൻഡ് വിസ്മയം (1500 സ്‌കൂൾ വിദ്യാർത്ഥികളെ അണിനിരത്തി 5 സെക്കന്റ്‌കൊണ്ട് 1500 റബ്ബർ തൈകൾ നടും).മുൻ എം.എൽ.എ മാരായ ജോർജ്ജ് ജെ.മാത്യു, കെ.ജെ.തോമസ്, ഗ്രാമപഞ്ചായത്ത് പ്രസിഡന്റ് ജെസ്സി ജോസ്, രാജു വി.ജോസ് തുടങ്ങിയവർ പ്രസംഗിക്കും.