വൈക്കം: അഷ്ടമിയുടെ ചടങ്ങായ വടക്കും ചേരിമേൽ എഴുന്നളളിപ്പ് 17ന് പുലർച്ചെ അഞ്ചിന് നടക്കും. എട്ടാം ഉത്സവ ദിവസം രാത്രിയിലെ വിളക്കെഴുന്നള്ളിപ്പാണ് വടക്കും ചേരിമേൽ എഴുന്നള്ളിപ്പ്. എഴുന്നള്ളത്തിന് മൂന്നു ഗജവീരൻമാർ ഉണ്ടാവും. എഴുന്നള്ളിപ്പ് ക്ഷേത്രം വിട്ട് പുറത്തു പോകുമ്പോൾ കാലാക്കൽ വല്യച്ചന്റെ ഉടവാളുമായി ഒരാൾ അകമ്പടി സേവിക്കണം എന്ന ആചാരവും ഉണ്ട്. ഉദയനാപുരം ക്ഷേത്രം കടന്ന് ചെമ്പ് ദേശം വരെ പോകുന്ന എഴുന്നള്ളിപ്പ് അവിടെ വച്ച് ശംഖ് കമഴ്ത്തി പിടിച്ച് ഊതി തിരിച്ചു പോരും. കൂട്ടുമ്മൽ ക്ഷേത്രത്തിൽ ഇറക്കി പൂജയും നിവേദ്യവും ഉണ്ട്.