ചങ്ങനാശേരി: എസ്.എൻ.ഡി.പി യോഗം ചങ്ങനാശേരി യൂണിയനിലെ വാഴൂർ മേഖലയിൽ ഉൾപ്പെടുന്ന 231 വാഴൂർ, 357 കാനം, 1145 വാഴൂർ, 1161 ചമ്പക്കര, 2901 പുതുപ്പള്ളിപ്പടവ്, 2902 നെടുംകുന്നം നോർത്ത്, 3236 കാരക്കാട്ട്കുന്ന്, 5212 മാന്തുരുത്തി, എന്നീ ശാഖകളിലെ പ്രസിഡന്റുമാർ, വൈസ് പ്രസിഡന്റുമാർ, സെക്രട്ടറിമാർ, യൂണിയൻ കമ്മിറ്റി അംഗങ്ങൾ, ശാഖായോഗം മാനേജിംഗ് കമ്മിറ്റി അംഗങ്ങൾ, യൂത്ത്മൂവുമെന്റ്, വനിതാ സംഘം യൂണിറ്റ്‌യൂണിയൻ സമിതി ഭാരവാഹികൾ, കുടുംബയൂണിറ്റ്‌ മൈക്രോഫൈനാൻസ് യൂണിറ്റ് ഭാരവാഹികൾ എന്നിവരുടെ സംയുക്ത സമ്മേളനം നാളെ ഉച്ചക്ക് മൂന്നിന് നെടുംകുന്നം നോർത്ത് 2902-ാം നമ്പർ ശാഖാ ഹാളിൽ നടക്കും.
യൂണിയൻ പ്രസിഡന്റ് ഗിരീഷ് കോനാട്ട് അദ്ധ്യക്ഷത വഹിക്കും. യോഗത്തിൽ യൂണിയൻ സെക്രട്ടറി സുരേഷ് പരമേശ്വരൻ സ്വാഗതവും വിഷയാവതരണവും നടത്തും, യൂണിയൻ വൈസ് പ്രസിഡന്റ് പി. എം ചന്ദ്രൻ സംഘടനാ സന്ദേശം നൽകും. മേഖല കൗൺസിലർ രമേശ് സി. ജി നന്ദിയും പറയും.