ചങ്ങനാശേരി: എസ്.എൻ.ഡി.പി യോഗം ചങ്ങനാശേരി യൂണിയന്റെ ആഭിമുഖ്യത്തിൽ എറണാകുളം മുക്തിഭവൻ കൗൺസലിംഗ് സെന്ററിന്റെ സഹകരണത്തോടെ രണ്ടു ദിവസം മതുമൂല യൂണിയൻ മന്ദിര ഹാളിൽ നടത്തുന്ന വിവാഹ പൂർവ കൗൺസലിംഗ് നാളെ ആരംഭിക്കും. നാളെ രാവിലെ ഒൻപതിന് യൂണിയൻ പ്രസിഡന്റ് ഗിരീഷ് കോനാട്ട് കോഴ്‌സ് ഉദ്ഘാടനം ചെയ്യും. യൂണിയൻ സെക്രട്ടറി സുരേഷ് പരമേശ്വരൻ അദ്ധ്യക്ഷത വഹിക്കും. ബോർഡ് അംഗം എൻ.നടേശൻ, യൂണിയൻ വൈസ് പ്രസിഡന്റ് പി.എം ചന്ദ്രൻ, കോ-ഓർഡിനേറ്റർ പി. അജയകുമാർ എന്നിവർ പ്രസംഗിക്കും. വിവിധ വിഷയങ്ങൾ അവതരിപ്പിച്ചുകൊണ്ട് ഗ്രെയ്‌സ് ലാൽ, രാജേഷ് , സുരേഷ് പരമേശ്വരൻ, അനൂപ് വൈക്കം, ഡോ. ശരത്ചന്ദ്രൻ, സജീവ് പൂവത്ത് എന്നിവർ പ്രസംഗിക്കും. അവിവാഹിതരായ യുവതി യുവാക്കളും , അടുത്ത കാലത്ത് വിവാഹിതരായ ദമ്പതികളും പങ്കെടുക്കണമെന്ന് യൂണിയൻ സെക്രട്ടറി സുരേഷ് പരമേശ്വരൻ അറിയിച്ചു. ഫോൺ: 0481 2420915, 9447780915