തലയോലപ്പറമ്പ്: തിരുപുരം ശ്രീകൃഷ്ണസ്വാമി ക്ഷേത്രത്തിലെ ഉത്സവം 25 മുതൽ ഡിസംബർ 2 വരെ നടക്കും.പ്രസിദ്ധമായ പകൽപൂരം ഡിസംബർ 1ന്. 25ന് രാവിലെ 9നും 10.30നും മദ്ധ്യേ തന്ത്രി മനയത്താറ്റ് ചന്ദ്രശേഖരൻ നമ്പൂതിരിയുടെ മുഖ്യകാർമ്മികത്വത്തിൽ കൊടിയേറ്റ്. വൈകിട്ട് 6.30ന് ദീപാരാധന, 7ന് തിരുവാതിരകളി, 8ന് ഭക്തിഗീതാമൃതം. 26ന് രാവിലെ 10ന് കളഭാഭിഷേകം 10.30ന് ഓട്ടൻതുളളൽ. വൈകിട്ട് 5.30ന് കാഴ്ചശ്രീബലി, 7ന് നൃത്തനൃത്യങ്ങൾ. 27ന് രാവിലെ 11ന് ഉത്സവബലി വൈകിട്ട് 5.30ന് കാഴ്ചശ്രീബലി, 6.30ന് ദീപാരാധന, 7ന് സാമൂഹിക നാടകം. 28ന് രാവിലെ 11ന് തിരുവാതിരകളി, വൈകിട്ട് 5.30ന് കാഴ്ചശ്രീബലി, വൈകിട്ട് 7ന് മേജർസെറ്റ് കഥകളി. 29ന് രാവിലെ 11.30ന് പാഠകം, വൈകിട്ട് 6.30ന് ദീപാരാധന, വൈകിട്ട് 7ന് ഗാനമേള. 30ന് രാവിലെ 11ന് ഉത്സവബലി, വൈകിട്ട് 7ന് സംഗീത സദസ്. ഡിസംബർ 1ന് രാവിലെ 9ന് വലിയ ശ്രീബലി, ഉച്ചയ്ക്ക് 12ന് തിരുവാതിരകളി. ഉച്ചയ്ക്ക് 12.30ന് പ്രസാദ ഊട്ട്. വൈകിട്ട് 4 മുതൽ പ്രസിദ്ധമായ തിരുപുരം പകൽപൂരം. പൂര മൈതാനിയിൽ തന്ത്രി മുഖ്യൻ മനയത്താറ്റ് മനചന്ദ്രശേഖരൻ നമ്പൂതിരി ഭദ്രദീപ പ്രകാശനം നടത്തും. തുടർന്ന് 15 ഓളം ഗജവീരന്മാർ അണിനിരക്കുന്ന പകൽപൂരത്തിന് ഗജരാജൻ പാമ്പാടി രാജൻ തിടമ്പേറ്റും. മേളകലാചക്രവർത്തി ചേരാനല്ലൂർ ശങ്കരൻകുട്ടിമാരാരുടെ പ്രമാണത്വത്തിൽ 150 ഓളം കലാകാരന്മാർ അവതരിപ്പിക്കുന്ന പാണ്ടിമേളം, കുടമാറ്റം, മയിലാട്ടം. രാത്രി 8ന് ദീപാരാധന, 9ന് വലിയ വിളക്ക് ദീപകാഴ്ച, കാണിക്ക. രണ്ടിന് രാവിലെ 10ന് ഭക്തിഗാനസുധ, ഉച്ചക്ക് 12.30ന് ആറാട്ടു സദ്യ, വൈകിട്ട് 4ന് കൊടിയിറക്ക്, 5ന് അയ്യൻകോവിൽ ക്ഷേത്രത്തിലേയ്ക്ക് ആറാട്ട് പുറപ്പാട്. 7ന് ക്ഷേത്രക്കുളത്തിൽ തിരു ആറാട്ട്. 7.15ന് നൃത്തനാടകം. 8.30ന് ആറാട്ട് എതിരേൽപ്പ്, മേജർസെറ്റ് പഞ്ചവാദ്യം രാത്രി 12ന് ഇറക്കിപൂജ എന്നിവയോടെ ഉത്സവം സമാപിക്കും .

 പകൽപൂരം ഡിസംബർ 1ന്‌