ചങ്ങനാശേരി : എസ്.എൻ.ഡി.പി.യോഗം ചങ്ങനാശേരി യൂണിയന്റെ ആഭിമുഖ്യത്തിൽ എറണാകുളം മുക്തിഭവൻ കൗൺസലിംഗ് സെന്റെറിന്റെ സഹകരണത്തോടെ യുവതി - യുവാക്കൾക്കായി വിവാഹപൂർവ കൗൺസലിംഗ് കോഴ്സിന്റെ അൻപത്തി ഒൻപതാമത് ബാച്ച് ഇന്നും നാളെയും മതുമൂല യൂണിയൻ മന്ദിരം ഹാളിൽ നടക്കും. ഇന്ന് രാവിലെ 9 ന് യൂണിയൻ പ്രസിഡന്റ് ഗിരീഷ് കോനാട്ട് കോഴ്സ് ഉദ്ഘാടനം ചെയ്യും. യൂണിയൻ സെക്രട്ടറി സുരേഷ് പരമേശ്വരൻ അദ്ധ്യക്ഷത വഹിക്കും. ബോർഡ് മെമ്പർ എൻ.നടേശൻ, യൂണിയൻ വൈസ് പ്രസിഡന്റ് പി. എം ചന്ദ്രൻ, കോ-ഓർഡിനേറ്റർ പി. അജയകുമാർ എന്നിവർ പങ്കെടുക്കും. വിവിധ വിഷയങ്ങളിൽ ഗ്രെയ്സ് ലാൽ, രാജേഷ് പൊല, സുരേഷ് പരമേശ്വരൻ, അനൂപ് വൈക്കം, ഡോ. ശരത്ചന്ദ്രൻ, സജീവ് പൂവത്ത് എന്നിവർ ക്ലാസ് നയിക്കും. ഫോൺ : 0481-2420915, 9447780915.