വൈക്കം: വടയാർ കിഴക്കേക്കര കുമ്പളത്താക്കൽ ഘണ്ടാകർണ്ണ ഭദ്രകാളി ക്ഷേത്രത്തിൽ ഡിസംബർ 1 ന് തുടങ്ങുന്ന ഭാഗവത സപ്താഹയജ്ഞവേദിയുടെ കാൽനാട്ട് കർമ്മം മേൽശാന്തി രഞ്ജിത്ത് നിർവഹിച്ചു. യജ്ഞാചാര്യൻ പത്തിയൂർ വിജയകുമാർ, യജ്ഞപൗരാണികർ ഹരിപ്പാട് ബാലകൃഷ്ണൻ, പള്ളിക്കൽ ബാബുരാജ് എന്നിവരുടെ നേതൃത്വത്തിലാണ് എട്ട് ദിവസം നീളുന്ന സപ്താഹം. ഡിസംബർ 1 ന് വൈകിട്ട് 7 ന് എം. പി. നാരായണൻ തേവലക്കാട്ട് യജ്ഞത്തിന്റെ ദീപപ്രകാശനം നിർവഹിക്കും. കാൽനാട്ട് ചടങ്ങിൽ ക്ഷേത്രം പ്രസിഡന്റ് പി. ആർ. അശോകൻ, സെക്രട്ടറി ബി. സന്തോഷ് കുമാർ, കെ. എസ്. അനീഷ്, ഒ. ബി വേണു, ഷാജ രാമകൃഷ്ണൻ, അമ്പിളി മായാത്മജൻ എന്നിവർ നേതൃത്വം നൽകി.