കോട്ടയം : ആരോഗ്യ വകുപ്പ് സ്‌കൂളുകളിൽ നടപ്പാക്കുന്ന മാനസികാരോഗ്യ പരിപാടിയുടെ ജില്ലാതല ഉദ്ഘാടനം നാട്ടകം ഗവ.വൊക്കേഷണൽ ഹയർസെക്കൻഡറി സ്‌കൂളിൽ ജില്ലാ പഞ്ചായത്ത് പ്രസിഡന്റ് അഡ്വ. സെബാസ്റ്റ്യൻ കുളത്തുങ്കൽ നിർവഹിച്ചു. മുനിസിപ്പൽ ചെയർപേഴ്‌സൺ ഡോ. സോന പി.ആർ അദ്ധ്യക്ഷയായിരുന്നു. ജില്ലാ പഞ്ചായത്ത് വൈസ് പ്രസിഡന്റ് ജെസിമോൾ മനോജ് മുഖ്യപ്രഭാഷണം നടത്തി. ഡെപ്യൂട്ടി ഡി.എം.ഒ ഡോ.ടി.അനിത കുമാരി വിഷയം അവതരിപ്പിച്ചു. ആലപ്പുഴ മെഡിക്കൽ കോളേജ് മാനസികാരോഗ്യ വിഭാഗം മേധാവി ഡോ. വർഗീസ് പുന്നൂസ് പരിശീലന പരിപാടി നയിച്ചു. ഡി.ഇ.ഒ സി. ഉഷ ഗോവിന്ദ്, ആരോഗ്യ കേരളം ജില്ലാ പ്രോഗ്രാം മാനേജർ ഡോ.വ്യാസ് സുകുമാരൻ, ജില്ലാ മാനസികാരോഗ്യ പരിപാടി നോഡൽ ഓഫീസർ ഡോ. മെറിൻ പൗലോസ്, സ്‌കൂൾ മെന്റൽ ഹെൽത്ത് പ്രോജക്ട് ഓഫീസർ സനു തോമസ്, ഐ.സി.ഡി.എസ് പ്രോഗ്രാം ഓഫീസർ ആശാ രാജേഷ്, ജില്ലാ മാസ് മീഡിയ ഓഫീസർ ഡോമി ജോൺ, സഹോദയ പ്രസിഡന്റ് ബെന്നി ജോർജ്, സ്‌കൂൾ പ്രിൻസിപ്പൽ സജൻ എസ്. നായർ, സ്‌കൂൾ ഹെഡ്മിസ്ട്രസ് ടി. ജയലക്ഷ്മി തുടങ്ങിയവർ സംസാരിച്ചു.