ഏഴാച്ചേരി : ഗുരുശക്തി കുടുംബ യൂണിറ്റിന്റെ ആഭിമുഖ്യത്തിൽ നടന്നുവരുന്ന ശ്രീനാരായണ പഠന ക്ലാസ് 15-ാം വർഷത്തിലേക്ക്. ഇതോടനുബന്ധിച്ചുള്ള വാർഷിക സമ്മേളനവും, പൂർവവിദ്യാർത്ഥി സംഗമവും ഡിസംബർ 1 ന് നടത്തുമെന്ന് ചെയർമാൻ വി.എ. ബാബു വേരം പ്ലാക്കൽ , കൺവീനർ സിജി മോഹൻദാസ് എന്നിവർ അറിയിച്ചു. പൂർവവിദ്യാർത്ഥി സംഗമം എസ്.എൻ.ഡി.പി യോഗം ഏഴാച്ചേരി ശാഖാ പ്രസിഡന്റ് പി.ആർ.പ്രകാശ് പെരികിനാലിൽ ഉദ്ഘാടനം ചെയ്യും. കുടുംബ യൂണിറ്റ് ചെയർമാൻ വി. എ. ബാബു വേരംപ്ലാക്കൽ അദ്ധ്യക്ഷത വഹിക്കും. ശാഖാ വൈസ് പ്രസിഡന്റ് ടി.എസ്. രാമകൃഷ്ണൻ തയ്യിൽ പൂർവവിദ്യാർത്ഥികളെ ആദരിക്കും. ശാഖാ സെക്രട്ടറി കെ.ആർ. ദിവാകരൻ അനുഗ്രഹ പ്രഭാഷണം നടത്തും. മിനി രാജു, ശോഭാ സോമൻ, മോഹനൻ ചെട്ടിപ്പറമ്പിൽ, ബിജു തോപ്പിൽ, പി.ഡി. സജി, ബീനാ വിജയൻ , അഭിരാം, മോഹനൻ വേരംപ്ലാക്കൽ, പ്രസന്ന ദിനേശൻ, ഗീതാ രവീന്ദ്രൻ തുടങ്ങിയവർ പ്രസംഗിക്കും.