അ​ധി​കാ​ര​ത്തിൻപടി

ഇറ​ങ്ങി ഇ​റ​ങ്ങിവ-
ന്നൊ​രു​നാൾ എൻ ഗേ​ഹ​ത്തി-
​ന്ന​രി​കിൽ ഗ​മി​ക്കുന്ന

ഗ്രാ​മ​വീ​ഥി​യി​ലെ​ത്തേ

ദീർ​ഘ​നി​ശ്വാ​സംചെയ്യും
ഞാ​നെ​നി​യ്‌ക്കൊ​രു ഭാര-
ഭാ​ണ്ഡവുംതോ​ളിൽചാർത്തി
താ​ഴേ​ക്കു​ഗ​മി​ച്ചി​ലാ !

ആ​ശ്വാ​സ​നി​ശ്വാ​സ​ങ്ങൾ
ഉ​തിരും എൻ നാസി​ക
പൂർ​ണ്ണ​മാ​യ് വി​ട​രുംജ്ഞാ-
നോദ​യം എ​നി​ക്കുണ്ടാം !

ഭാ​ര​ത്തിൽജ്ഞാനം ! കർമ്മ-
കാ​ണ്ഡ​ത്തിൻ ജ്ഞാ​നം !ദയാ-
വാ​യ്പി​നാൽ സ​ര​ണിയെ
കു​ളി​പ്പി​ച്ച​തിൻ ജ്ഞാ​നം !

ഭാ​ര​ങ്ങൾ അ​ക​റ്റു​വാൻ
ക​ഴിഞ്ഞോ ? ജ​നലക്ഷ-
ലോ​ക​മ​ങ്ങ​ക​താ​രിൽ
എ​ന്നെ സ്‌നേ​ഹിച്ചോ ആവോ ?

മോ​ഹിച്ചോ എന്നേ​യവർ
ഒ​പ്പ​മാ​യ് ന​ട​ക്കു​വാൻ
ദാ​ഹ​മുണ്ടായോ അവ-
ർ​ക്കെ​ന്റെ സാന്ത്വനം കേൾ​ക്കാൻ !

ഭാ​ര​മി​ല്ലൊ​ട്ടുംതന്നെ
ഗ്രാ​മ​വീ​ഥി​യിൽ എന്റെ
നാ​ട​തിൽ​ മ​ക്കൾ​ക്കൊപ്പം
നട​ന്നു നീ​ങ്ങീ​ടു​മ്പോൾ !

കൊ​ട്ടു​വേ​ണ്ടി​ടി​മിന്നൽ
ക്കെ​ട്ടു കാ​ഴ്ച​കൾ വേണ്ടാ
പു​ഷ്പ​ഹാ​ര​ങ്ങൾ വേണ്ടാ
ആ​ന വേ​ണ്ടമ്പാ​രിയും !

അത്ര​യൊ​ന്നു​മേ ചെ​യ്യാൻ
ക​ഴിഞ്ഞീ​ലെ​നി​യ്‌ക്കെ​ങ്കിൽ
ഒ​ട്ടു​കാ​ര്യ​ങ്ങൾ ചെ​യ്യാൻ
ക​ഴി​ഞ്ഞ​തതിശ​യം !

നാ​ലു​ദി​ക്കിലും നിന്നു
ക​യ​റാൽ വ്യ​വ​സ്ഥതൻ
കാ​വ​ലാ​ള​ന്മാർകെട്ടി-
വ​ലി​യ്‌ക്കേ ശ്വാ​സം പിടി-

ച്ച​ന്നു​മാ​രു​തിചെയ്ത
കണ​ക്കേ പാ​ശ​ക്കെട്ടി-
ന്നിറ​ക്കം തെ​ല്ലൊന്നയ-
ച്ചാ​ശ്വാ​സ ശ്വാ​സം പോ​ക്കി

മുന്നി​ലാ​യ്കാണും ജ​നാ-
വ​ലി​തൻ ക​ര​ങ്ങ​ളിൽ
പൊന്നു​പോൽ പ​ലപല
കാ​ര്യ​ങ്ങൾ സ​മർ​പ്പി​യ്‌ക്കേ
ആ​മോ​ദ​മു​ണ്ടാവില്ലേ
ആ​വേ​ശ​മു​ണ്ടാ​കില്ലേ ?
ഗ്രാ​മ​ത്തിൻ ചെ​റുപാ​ത
താണ്ടുവാൻ മോ​ഹി​ക്കി​ല്ലേ ?

ഇ​വി​ടെ​ക്ക​ഴി​ഞ്ഞി​ടാൻ
കൊതി ഊ​റു​ക​യി​ല്ലേ ?
കർ​മ്മ​ബു​ദ്ധ​നാ​യ്ചുറ്റി-
ത്തി​രി​യാൽ നി​ന​യ്ക്കി​ല്ലേ ?

അ​ധി​കാ​ര​ത്തിൻ നന്മ-
ക​ട​ഞ്ഞ​ങ്ങെ​ടുക്ക​ണം
അ​മൃ​തു​ക​ട​യു​മ്പോൽ
ക​ട​ഞ്ഞ​ങ്ങെ​ടുക്ക​ണം

അ​ധി​കാ​ര​ത്തിൻ സുഖം
അ​റി​യാ​ത​ല​യു​വാൻ
മ​നസോസു​ഷു​പ്തിയി-
ല​മ​രാൻ പ​ശ്ചാത്താ​പ
ര​ഹി​തം ജീ​വി​ച്ചീ​ടാൻ
അ​ധി​കാ​ര​ത്തിൻ വി​ഷം
ക​ട​ഞ്ഞു​ക​ള​യണം

ഊ​ഴി​യിൽ സ​ഖാ​ക്കൾ​തൻ
തോ​ളി​ലാ​യ്ക​ര​മർപ്പി-
ച്ച​ല​യാൻ ജ​ന മഹാ-
സാ​ഗ​ര​മ​തി​ലു​പ്പായ്
അ​ലി​യാൻ ക​ഴി​യണം.

(കവി സംസ്ഥാന പൊതുമരാമത്ത് വകുപ്പ് മന്ത്രിയാണ്)