കൂട്ട് കെട്ടുകൾ എന്നും ചർച്ചയാകുന്ന മലയാള സിനിമയിൽ പേരിന്റെ പുതുമ കൊണ്ട് അനൗൺസ്മെന്റ് സമയത്തു തന്നെ വ്യത്യസ്തമാകുകയാണ്‌ 'സ്വാതന്ത്ര്യം അർദ്ധരാത്രിയിലി'ന് ശേഷം യുവതാരമായ ആന്റണി വർഗീസും സംവിധായകൻ ടിനു പാപ്പച്ചനും വീണ്ടും ഒന്നിക്കുന്ന അജഗജാന്തരം. പ്രേക്ഷകരെ തിയേറ്ററിൽ ആവേശം കൊള്ളിച്ച ജയിൽചാട്ടത്തിന്റെ കഥയുമായെത്തിയ സ്വതന്ത്ര്യം അർദ്ധരാത്രിയിൽ എന്ന ചിത്രത്തിനു ശേഷം ഇരുവരും ഒന്നിക്കുമ്പോൾ ചിത്രം ബോക്സോഫീസിൽ വമ്പൻ ഹിറ്റ് ആയി തീരട്ടെ.
അടുത്ത കാലത്ത് മലയാള സിനിമയിൽ പേര് കൊണ്ട് വ്യത്യസ്തമായ മറ്റൊരു ചിത്രമായിരിക്കും അജഗജാന്തരം.സിൽവർ ബേ സ്റ്റുഡിയോസിന്റെ ബാനറിൽ ഇമ്മാനുവേൽ ജോസഫും അജിത് തലപ്പിള്ളിയും ചേർന്ന് നിർമ്മിക്കുന്ന ചിത്രത്തിന്റെ തിരക്കഥയൊരുക്കുന്നത് കിച്ചു ടെല്ലസും വിനീത് വിശ്വവും ചേർന്നാണ്. ആന്റണി വർഗീസിനൊപ്പം ചെമ്പൻ വിനോദ് ,അർജുൻ അശോക് ,സാബുമോൻ ,സുധി കോപ്പ ,ലുക്ക്‌ മാൻ ,ജാഫർ ഇടുക്കി ,കിച്ചു ടെല്ലസ് ,സിനോജ് വര്ഗീസ്, വിനീത് വിശ്വം, ബിറ്റോ ഡേവിസ്, രാജേഷ് ശർമ്മ, ടിറ്റോ വിൽ‌സൺ, വിജ്‌ലീഷ് തുടങ്ങിയവാരാണ് ചിത്രത്തിൽ മറ്റ് പ്രധാന കഥാപാത്രത്തെ അവതരിപ്പിക്കുന്നത്. ജിന്റോ ജോർജ് ഛായാഗ്രാഹകൻ ആകുന്ന ചിത്രത്തിൽ ഷമീർ മുഹമ്മദ്‌ ആണ് എഡിറ്റർ .സെൻട്രൽ പിക്ചർസ് ആണ് ചിത്രം വിതരണത്തിന് എത്തിക്കുന്നത് .