ദുബായ് : യു..എ.ഇയിലെ സർക്കാർ ജീവനക്കാരനായ സ്വദേശി പൗരന് മാസശമ്പളമായി ലഭിച്ചത് അമ്പരപ്പിക്കുന്ന തുക. മാനവ വിഭവശേഷി മന്ത്രാലയത്തിന് കീഴിൽ വരുന്ന അപേക്ഷകൾ പരിശോധിക്കുന്ന 'തസ്‍ഹീൽ' സർവീസ് സെന്ററിലെ ജീവനക്കാരനാണ് 1,59,000 ദിര്‍ഹമാണ് (ഏകദേശം 30 ലക്ഷത്തിലധികം ഇന്ത്യൻ രൂപ) ഒരു മാസം ശമ്പളം ലഭിച്ചത്.

തസ്ഹീൽ സെന്ററിലെ ജീവനക്കാർക്ക് ഓരോ ഇടപാടിനും 45 ദിർഹം വീതം കമ്മീഷന്‍ ലഭിക്കും. ഈ ജീവനക്കാരന്‍ ദിവസവും ശരാശരി 141 ഇടപാടുകൾ വരെയാണ് നടത്തിയിരുന്നത്. ഒരു മാസത്തെ കണക്ക് പരിശോധിക്കുമ്പോൾ ആകെ 3,533 അധികം ഇടപാടുകള്‍. ഒരു മണിക്കൂറിൽ ശരാശരി 20 ഇടപാടുകളാണ് ഇയാൾ നടത്തിയതെന്ന് അധികൃതർ വ്യക്തമാക്കുന്നു. എല്ലാം കൂടി കണക്കാക്കുമ്പോൾ ആകെ ശമ്പളം 1,59,000 ദിർഹം. ജീവനക്കാരന്റെ പേരോ വിവരങ്ങളോ അധികൃതർ പുറത്തുവിട്ടിട്ടുമില്ല.