ന്യൂ​ഡ​ൽഹി: അ​യോ​ദ്ധ്യകേസിലെ സുപ്രിംകോടതി വിധിക്ക് മുൻപ് മഹാരാഷ്ട്രയിൽ സർക്കാർ രൂപീകരിക്കണമെന്ന എൻ.‌സി..പി അദ്ധ്യക്ഷൻ ശരദ്പവാറിന്റെ മുന്നറിയിപ്പിന് പിന്നാലെ സംസ്ഥാനത്തെ കോൺഗ്രസ് നേതാക്കൾ ഡൽഹിയിൽ സോണിയാഗാന്ധിയുമായി കൂടിക്കാഴ്ച നടത്തി. മു​തി​ർന്ന നേ​താ​ക്ക​ളാ​യ ബാ​ലാ​സാ​ഹി​ബ് തൊ​റാ​ട്ട്, അ​ശോ​ക് ച​വാ​ൻ, പൃ​ഥ്വി​രാ​ജ് ച​വാ​ൻ എ​ന്നി​വ​രാ​ണു ഡ​ൽഹി​യി​ലെ​ത്തി​യ​ത്.

മ​ഹാ​രാ​ഷ്ട്ര​യി​ൽ സർക്കാർ രൂപീകരിക്കാൻ ശിവസേനയ്ക്ക് പുറത്തുനിന്ന് പിന്തുണനൽകുന്നതുമായി ബന്ധപ്പെട്ടാണ് ചർച്ചയെന്നാണ് റിപ്പോർട്ട്. സംസ്ഥാനത്തെ സാഹചര്യങ്ങൾ ധരിപ്പിക്കുകയും ഹൈ​ക്ക​മാൻ​ഡി​ന്റെ അ​നു​മ​തി തേ​ടു​ക​യുമാണ് ​ ഡൽഹി സന്ദർശനത്തിന്റെ ലക്ഷ്യമെന്ന് കോൺഗ്രസ് വൃത്തങ്ങൾ പറയുന്നു. വെ​ള്ളി​യാ​ഴ്ച രാ​വി​ലെ എ​ൻ.സി.പി അദ്ധ്യക്ഷൻ ശ​ര​ദ് പ​വാ​റു​മാ​യി കോ​ൺ​ഗ്ര​സ് നേ​താ​ക്ക​ൾ കൂ​ടി​ക്കാ​ഴ്ച ന​ട​ത്തി​യി​രു​ന്നു.

തി​ര​ഞ്ഞെ​ടു​പ്പ് ഫ​ലം പു​റ​ത്തു​വ​ന്ന് ഒ​രാ​ഴ്ച പി​ന്നി​ട്ടി​ട്ടും ബി​ജെ​പി-​ശി​വ​സേ​ന തർക്കം കാരണം മ​ഹാ​രാ​ഷ്ട്ര​യിൽ സ​ര്‍​ക്കാർ രൂ​പീ​ക​ര​ണം അ​നി​ശ്ചി​ത​ത്വ​ത്തി​ലാ​ണ്. ര​ണ്ട​ര​വ​ർ​ഷം വീ​തം മു​ഖ്യ​മ​ന്ത്രി സ്ഥാ​നം പ​ങ്കു​വ​യ്ക്കാ​തെ സ​ർക്കാർ രൂപീകരിക്കാൻ ചേരില്ലെന്നാണ് ശി​വ​സേ​ന​യു​ടെ നി​ല​പാ​ട്. ആ​ദി​ത്യ താ​ക്ക​റെ​യെ ആ​ദ്യം മു​ഖ്യ​മ​ന്ത്രി​യാ​ക്ക​ണ​മെ​ന്നും സേ​ന ആ​വ​ശ്യ​പ്പെ​ടു​ന്നു.