ന്യൂഡൽഹി: ലയനത്തിന്റെ ഭാഗമായി കഴിഞ്ഞ അഞ്ചുവർഷത്തിനിടെ 26 പൊതുമേഖലാ ബാങ്കുകൾ പൂട്ടിയത് മൊത്തം 3,​400 ശാഖകൾ. ഇതിൽ 75 ശതമാനം ശാഖകളും എസ്.ബി.ഐയുടേതാണെന്നും റിസർവ് ബാങ്ക് വിവരാവകാശം പ്രകാരം നൽകിയ മറുപടി വ്യക്തമാക്കുന്നു. 2014-15ൽ 90,​ 2015-16ൽ 126,​ 2016-17ൽ 253,​ 2017-18ൽ 2083,​ 2018-19ൽ 875 എന്നിങ്ങനെ ശാഖകളാണ് പൂട്ടിയത്.

പൊതുമേഖലയിലെ പത്തു പ്രമുഖ ബാങ്കുകളെ കൂടി ലയിപ്പിച്ച്,​ വലിയ നാലു ബാങ്കുകൾ സൃഷ്‌ടിക്കാനുള്ള കേന്ദ്രസർക്കാർ നീക്കം പുരോഗമിക്കവേയാണ് റിസർവ് ബാങ്കിൽ നിന്ന് വിവരാവകാശ പ്രകാരമുള്ള റിപ്പോർട്ട് ലഭ്യമായത്. 2017 ഏപ്രിൽ ഒന്നിനാണ് സ്‌റ്രേറ്ര് ബാങ്ക് ഒഫ് ബാങ്ക് ട്രാവൻകൂർ (എസ്.ബി.ടി)​,​ സ്‌റ്രേറ്ര് ബാങ്ക് ഒഫ് ബിക്കാനീർ ആൻഡ് ജയ്‌പൂർ,​ സ്‌റ്രേറ്ര് ബാങ്ക് ഒഫ് ഹൈദരാബാദ്,​ സ്‌റ്രേറ്ര് ബാങ്ക് ഒഫ് മൈസൂർ,​ സ്‌റ്രേറ്ര് ബാങ്ക് ഒഫ് പട്യാല എന്നീ അസോസിയേറ്ര് ബാങ്കുകളും ഭാരതീയ മഹിളാ ബാങ്കും എസ്.ബി.ഐയിൽ ലയിച്ചത്.

ലയനം എസ്.ബി.ഐയുടെ 2,​568 ശാഖകളെ ബാധിച്ചുവെന്ന് റിപ്പോർട്ടിലുണ്ട്. കഴിഞ്ഞ ഏപ്രിൽ ഒന്നിനാണ് വിജയ ബാങ്ക്,​ ദേന ബാങ്ക് എന്നിവയെ ബാങ്ക് ഒഫ് ബറോഡയിൽ ലയിപ്പിച്ചത്.