തിരുവനന്തപുരം: കോപ്പി അടിച്ചെങ്കിൽ അത് തന്റെ കഴിവാണെന്ന് പി.എസ്.സി പരീക്ഷാ തട്ടിപ്പ് കേസിലെ പ്രതി നസീം. ഫേസ്ബുക്ക് കുറിപ്പിലാണ് നസീമിന്റെ പ്രതികരണം. ‘തോൽക്കാൻ മനസ്സില്ലെന്ന് ഞാൻ മനസ്സിൽ തീരുമാനിച്ച നിമിഷമായിരുന്നു, ഞാൻ ആദ്യമായി വിജയിച്ചത്‘ എ​ന്ന അ​ടി​ക്കു​റി​പ്പോ​ടെ​യാ​ണ് ക​ഴി​ഞ്ഞ ദി​വ​സം ന​സീം ചി​ത്രം ഫേസ്ബുക്കിൽ പോസ്റ്റ് ചെ​യ്ത​ത്.

ചിത്രത്തിന് താഴെ നിരവധി കമന്റുകളും ലെെക്കുകളും ലഭിച്ചിരുന്നു. തുടർന്ന് പോസ്‌റ്റിന് ‘നീയൊക്കെ എങ്ങനെ തോൽക്കാൻ അമ്മാതിരി കോപ്പിയടി അല്ലെ നടത്തുന്നെ‘ ഒരാൾ കമന്റ് ചെയ്തു. ഇ​തി​നു ന​ൽ​കി​യ മ​റു​പ​ടി​യി​ലാ​ണ് "​കോ​പ്പി​ടി​ച്ചെ​ങ്കി​ൽ അ​തെ​ന്റെ ക​ഴി​വ്’ എ​ന്ന് ന​സീം തിരിച്ച് കമന്റ് ചെയ്തത്. നസീമിനെ പിന്തുണച്ചും ചിലരുടെ കമന്റുകളുണ്ട്.

യൂ​ണി​വേ​ഴ്​​സി​റ്റി ക​ത്തി​ക്കു​ത്ത്, പി.​എ​സ്.​സി പ​രീ​ക്ഷ തി​രി​മ​റി കേ​സു​ക​ളി​ലെ മു​ഖ്യ​പ്ര​തി​ക​ളാ​യ ശി​വ​ര​ഞ്ജി​ത്തും ന​സീ​മും അ​ടു​ത്തി​ടെ​യാ​ണ് ജാ​മ്യ​ത്തി​ൽ പു​റ​ത്തി​റ​ങ്ങി​യ​ത്. 90 ദി​വ​സം ക​ഴി​ഞ്ഞി​ട്ടും കു​റ്റ​പ​ത്രം സ​മ​ർ​പ്പി​ക്കാ​ത്ത​തോ​ടെ​യാ​ണ് ഇ​രു​വ​ർ​ക്കും സ്വാ​ഭാ​വി​ക​ജാ​മ്യം ല​ഭി​ച്ച​ത്. ശിവരഞ്ജിത്ത്, നസീം, പ്രണവ് എന്നിവർ ആധുനിക സാങ്കേതിക വിദ്യ ഉപയോഗിച്ച് പി.എസ്.സി പരീക്ഷയിൽ ക്രമക്കേട് നടത്തിയെന്ന് പി.എസ്.സി കണ്ടെത്തുകയായിരുന്നു.

പ്ര​തി​ക​ളിൽ ചി​ല​ർകൂ​ടി പി​ടി​യി​ലാ​വാ​നു​ള്ള​താ​ണ് യൂ​ണി​വേ​ഴ്‌​സി​റ്റി കോ​ള​ജ് വ​ധ​ശ്ര​മ​ക്കേ​സി​ൽ കു​റ്റ​പ​ത്രം സ​മ​ർപ്പി​ക്കു​ന്ന​ത് വൈ​കാ​നു​ള്ള കാ​ര​ണ​മെ​ന്നാ​ണ് പൊ​ലീ​സി​ന്റെ വി​ശ​ദീ​ക​ര​ണം. പി.​എ​സ്.​സി കേ​സി​ൽ അ​ന്വേ​ഷ​ണം വൈ​കി​യാ​ണ് തു​ട​ങ്ങി​യ​തെ​ന്നും അ​തി​നാൽ കു​റ്റ​പ​ത്രം സ​മ​ർപ്പി​ക്കാ​നാ​യി​ട്ടി​ല്ലെ​ന്നും ഈ‌ ​കേ​സി​ൽ കൂ​ടു​ത​ൽ പ്ര​തി​ക​ളു​ണ്ടാ​കാ​ൻ സാ​ദ്ധ്യ​ത​യു​ണ്ടെ​ന്നും ക്രൈം​ബ്രാ​ഞ്ച് വൃ​ത്ത​ങ്ങ​ളുടെ വിശദീകരണം.