 കേരളത്തിൽ 10,​000 സ്ഥലങ്ങളിലേക്ക് നെറ്ര്‌വർക്ക് വ്യാപിപ്പിച്ചു

കൊച്ചി: റിലയൻസ് ജിയോ കേരളത്തിൽ 86 ലക്ഷം വരിക്കാർ എന്ന നേട്ടം സ്വന്തമാക്കി. 10,000 സ്ഥലങ്ങളിലേക്ക് മൊബൈൽ നെറ്ര്‌വർക്ക് വ്യാപിപ്പിച്ച് കേരളത്തിലെ ഏറ്റവും വലുതും വേഗതയേറിയതുമായ നെറ്ര്‌വർക്കായി ജിയോ മാറിയെന്നും ട്രായിയുടെ റിപ്പോർട്ട് സൂചിപ്പിച്ചു.

ഈ വർഷം ആഗസ്‌റ്രിലെ കണക്കുപ്രകാരം ഇന്ത്യയിൽ ജിയോയ്ക്ക് 34.8 കോടി വരിക്കാരുണ്ട്. സിം ലഭ്യത,​ അതിവേഗ കണക്‌ഷൻ,​ ജിയോ ടിവി,​ ജിയോ മ്യൂസിക്,​ ജിയോ സിനിമ തുടങ്ങിയ ആപ്പുകൾ,​ പരിധിയില്ലാത്ത ഡേറ്ര എന്നിവയാണ് കേരളത്തിലും ജിയോയുടെ സ്വീകാര്യത വർദ്ധിപ്പിക്കുന്നത്. ജിയോ ഫോണിന് ഇപ്പോൾ വില 699 രൂപയാണ്. 1,​500 രൂപയായിരുന്നു നേരത്തേ വില.

പുതിയ പ്ളാനുകൾ

ട്രായ് ഐ.യു.സി നിരക്കുകൾ പുനഃസ്ഥാപിച്ച പശ്‌ചാത്തലത്തിൽ ജിയോ ₹222,​ ₹333,​ ₹444 എന്നിങ്ങനെ നിരക്കുകളുള്ള ഓൾ-ഇൻ-വൺ പാക്കേജുകൾ അവതരിപ്പിച്ചിട്ടുണ്ട്. പ്രതിദിനം രണ്ടു ജിബി ഡാറ്റ,​ 100 എസ്.എം.എസ്.,​ ജിയോ - ടു - ജിയോ കോൾ,​ മറ്റു നെറ്ര്‌വർക്കുകളിലേക്ക് 1000 ഫ്രീ ഐ.യു.സി മിനുട്ട് തുടങ്ങി കൂടുതൽ അനുകൂല്യങ്ങളോടെയാണ് പുതിയ പാക്കേജുകൾ അവതരിപ്പിച്ചിരിക്കുന്നത്.