ഇ​ടു​ക്കി: ശാ​ന്തൻപാറയിൽ യുവാവിനെ കൊന്ന് റിസോ‌ർട്ടിന് സമീപം കുഴിച്ചിട്ട സംഭവത്തിൽ കുറ്റം സമ്മതിച്ചുകൊണ്ടുള്ള റിസോർട്ട് മാനേജരുടെ വീഡിയോ പുറത്ത്. സംഭവത്തിൽ താൻ മാത്രമാണ് പ്രതിയെന്നും അനുജനെയും കൂട്ടുകാരെയും വെറുതെവിടണമെന്നും മാനേജർ വസീം വീഡിയോയിൽ പറഞ്ഞു. വ​സീം സ​ഹോ​ദ​ര​ന് അ​യ​ച്ച വീ​ഡി​യോ പൊ​ലീ​സി​ന് കൈ​മാ​റി.

ഇ​ടു​ക്കി ശാ​ന്ത​ൻപാ​റ സ്വ​ദേ​ശി റി​ജോ​ഷാ​ണ് മ​രി​ച്ച​ത്. ക​ഴി​ഞ്ഞ വ്യാ​ഴാ​ഴ്ച കാ​ണാ​താ​യ യു​വാ​വി​ന്റെ മൃ​ത​ദേ​ഹം പു​ത്ത​ടി മ​ഷ്റൂം ഹ​ട്ട് റി​സോർട്ടിന്റെ പരിസരത്ത് നിന്നാണ് പൊലീസ് കണ്ടെത്തിയത്. ​ യു​വാ​വി​നെ കാ​ണാ​താ​യ​തി​ന് പി​ന്നാ​ലെ ബ​ന്ധു​ക്ക​ൾ പൊ​ലീ​സി​ൽ പ​രാ​തി നൽകി​യി​രു​ന്നു. പൊലീസ് നടത്തിയ അന്വേഷണത്തിനൊടുവിലാണ് ​ സം​ഭ​വ​ത്തി​ന്റെ ചു​രു​ള​ഴി​ഞ്ഞ​ത്.

സം​ഭ​വ​ശേ​ഷം വ​സീം ഒ​ളി​വി​ല്‍ പോ​യി​രു​ന്നു. റി​ജോ​ഷി​ന്റെ ഭാ​ര്യ ലി​ജി​യേ​യും കാ​ണാ​നി​ല്ല. ഇ​വ​ർ​ക്ക് വേ​ണ്ടി​യു​ള്ള അ​ന്വേ​ഷ​ണം പു​രോ​ഗ​മി​ക്കു​ക​യാ​ണ്.