സൂപ്പർ സ്റ്റാർ രജനികാന്ത് നായകനാകുന്ന എ.ആർ..മരുഗദോസ് ചിത്രം ദർബാറിന്റെ മോഷൻ പോസ്റ്റർ പുറത്തിറങ്ങി. ലസേഡി സൂപ്പർ സ്റ്റാർ നയൻതാര നായികയാകുന്ന ചിത്രത്തിൽ ആദിത്യ അരുണാചലം എന്ന പൊലീസ് ഉദ്യോഗസ്ഥന്റെ വേഷത്തിലാണ് രജനി എത്തുന്നത്.
മാസും ക്ലാസും ആക്ഷനും ഒന്നിക്കുന്ന മോഷൻ പോസ്റ്റർതരംഗമായിക്കഴിഞ്ഞു. ചിത്രത്തിന്റെ തമിഴ്, തെലുങ്ക്, മലയാളം, ഹിന്ദി ഭാഷകളിലെ മോഷൻപോസ്റ്ററാണ് പുറത്തിറങ്ങിയിരിക്കുന്നത. കമൽഹാസനാണ് ഫേസബുക്കിലൂടെ ദർബാറിന്റെ തമിഴ് മോഷൻ പോസ്റ്റർ പുറത്തിറക്കിയത്. മലയാളത്തിൽ മോഹൻലാലും ഹിന്ദിയിൽ സൽമാൻ ഖാനും തെലുങ്കിൽ മഹേഷ് ബാബുവുമാണ് പുറത്തിറക്കിയത്.
27 വർഷങ്ൾക്ക് ശേഷമാണ് രജനി പൊലീസ് കഥാപാത്രത്തെ അവതരിപ്പിക്കുന്നത്. 1992ൽ പുറത്തിറങ്ങിയ പാണ്ഡ്യൻ എന്ന സിനിമയിലാണ് രജനി അവസാനമായി പൊലീസ് വേഷമണിഞ്ഞത്. എസ്.പി. മുത്തുകുമരൻ സംവിധാനം ചെയ്ത ചിത്രത്തിൽ പാണ്ഡ്യൻ ഐ.പി.എസ് എന്നായിരുന്നു രജനിയുടെ കഥാപാത്രത്തിന്റെ പേര്.
ലൈക്ക പ്രൊഡക്ഷൻസാണ് ചിത്രത്തിന്റെ നിർമാണം. സംഗീതം- അനിരുദ്ധ് രവിചന്ദർ, ഛായാഗ്രാഹണം- സന്തോഷ് ശിവൻ.