തിരുവനന്തപുരം: മുഷ്താഖ് അലി ട്രോഫി ട്വന്റി-20 ക്രിക്കറ്റ് ടൂർണമെന്റിൽ ഗ്രൂപ്പ് ബിയിലെ ആദ്യ മത്സരത്തിൽ തമിഴ്നാടിനെതിരെ കേരളത്തിന് 37 റൺസിന്റെ തോൽവി. ആദ്യം ബാറ്ര് ചെയ്ത തമിഴ്നാട് നിശ്ചിത 20 ഓവറിൽ 5 വിക്കറ്റ് നഷ്ടത്തിൽ 172 റൺസെടുത്തു. മറുപടിക്കിറങ്ങിയ കേരളത്തിന് 20 ഓവറിൽ 8 വിക്കറ്റ് നഷ്ടത്തിൽ 137 റൺസെടുക്കാനെ കഴിഞ്ഞുള്ളൂ. 3 വിക്കറ്ര് വീതം നേടിയ തമിഴ്നാട് ബൗളർമാരായ നടരാജനും പെരിയസാമിയുമാണ് കേരളത്തി ന്റെ റൺചേസിംഗിൽ പ്രതിസന്ധി സൃഷ്ടിച്ചത്. രോഹൻ എസ്. കുന്നുമ്മലും (27 പന്തിൽ 34)​,​ സച്ചിൻ ബേബിയും (32 പന്തിൽ 32)​,​ വിഷ്ണു വിനോദും (18 പന്തിൽ 24)​ പൊരുതി നോക്കിയെങ്കിലും തമിഴ്നാടുയർത്തിയ വിജയ ലക്ഷ്യത്തിനടുത്തെത്താൻ കേരളത്തിന് കഴിഞ്ഞില്ല. ഇവരെക്കൂടാതെ 17 റൺസെടുത്ത മുഹമ്മദ് അസ്‌ഹറുദ്ദീനാണ് കേരള ബാറ്റിംഗ് നിരയിൽ രണ്ടക്കം കടന്നത്. ക്യാപ്ടൻ റോിൻ ഉത്തപ്പ 13 പന്തിൽ 9 റൺസെടുത്ത് ആദ്യമേ പുറത്തായി.ജലജ് സക്സേനയും (2)​ നിരാശപ്പെടുത്തി.

നേരത്തേ തമിഴ്നാട് നിരയിൽ ബാബ അപരാജിത് (റിട്ടയേർഡ് ഹർട്ട് 35)​,​ ദിനേഷ് കാർത്തിക് (33)​,​ മുഹമ്മദ് (34)​,​ ഷാരൂഖ് ഖാൻ (28)​,​ വിജയ് ശങ്കർ (25)​ എന്നിവരുടെ ബാറ്രിംഗിന്റെ പിൻബലത്തിലാണ് തമിഴ്നാട് ഭേദപ്പെട്ട സ്കോറിലെത്തിയത്.

കർണാടകയ്ക്ക് റെക്കാഡ് ജയം

ഗ്രൂപ്പ് എയിലെ മത്സരത്തിൽ ഉത്തരാഘണ്ഡിനെ ഒമ്പത് വിക്കറ്റിന് തോല്പിച്ച കർണാടക ഇന്ത്യൻ ആഭ്യന്തര ക്രിക്കറ്രിൽ ട്വന്റി-20യിൽ തുടർച്ചയായി ഏറ്രവും കൂടുതൽ വിജയങ്ങൾ നേടുന്ന റെക്കാഡ് സ്വന്തമാക്കി.