ലണ്ടൻ: ബ്രി​ട്ടീ​ഷ്​ എ​ഴു​ത്തു​കാ​ര​ൻ ഡാ​നി​യ​ൽ ഡി​ഫോ​യു​ടെ റോ​ബി​ൻ ക്രൂ​സോ പ്ര​സി​ദ്ധീ​ക​രി​ച്ച​തി​ന്റെ 300ാം വാ​ർ​ഷി​ക​ത്തോ​ട​നു​ബ​ന്ധി​ച്ച്​ ലോ​ക​ത്തെ രൂ​പ​പ്പെ​ടു​ത്തി​യ 100 നോ​വ​ലു​ക​ളു​ടെ പ​ട്ടി​ക​യു​മാ​യി ബി.​ബി.​സി. ഇ​ന്ത്യ​യി​ൽനി​ന്ന് ആ​ർ.​കെ. നാ​രാ​യ​ൺ, അ​രു​ന്ധ​തി റോ​യ്, സ​ൽമാ​ൻ റു​ഷ്ദി, വി​ക്രം സേ​ത്ത് എ​ന്നീ നാലുപേരുടെ പുസ്​തകങ്ങൾ പ​ട്ടി​ക​യി​ൽ ഇ​ടം​പി​ടി​ച്ചു.

ആ​ർ.​കെ. നാ​രാ​യ​ണ​​ന്റെ സ്വാ​മി ആ​ൻഡ് ഫ്ര​ണ്ട്​​സ്, അ​രു​ന്ധ​തി റോ​യി​യു​ടെ ദ ​ഗോ​ഡ് ഓ​ഫ് സ്‌​മോൾ തി​ങ്​​സ്, സ​ൽമാ​ൻ റു​ഷ്ദി​യു​ടെ ദ ​മൂ​ർസ് ലാ​സ്​​റ്റ്​ സൈ, ​വി​ക്രം സേ​ത്തി​ന്റെ ​സ്യൂ​ട്ട​ബിൾ ബോ​യ് എ​ന്നീ നോ​വ​ലു​ക​ളാ​ണ്​ 100 വി​ഖ്യാ​ത പു​സ്​​ത​ക​ങ്ങ​ളു​ടെ കൂ​ട്ട​ത്തി​ലു​ള്ള​ത്​.

വി.​എ​സ്. ന​യ്പാ​ളി​ന്റെ എ ​ഹൗ​സ് ഫോ​ർ മി​സ്​​റ്റർ ബി​ശ്വാ​സ്, പാ​ക്​ എ​ഴു​ത്തു​കാ​രാ​യ മുഹ്‌​സി​ൻ ഹ​മീ​ദ്, കാ​മി​ല ഷം​സി എ​ന്നി​വ​രു​ടെ ദ ​റെ​ല​ക്ട​ൻ​റ്​ ഫ​ണ്ട​മെന്റ​​ലി​സ്​​റ്റ്, ഹോം ​ഫ​യർ എ​ന്നീ നോ​വ​ലു​ക​ളും പ​ട്ടി​ക​യി​ൽ ഇ​ടം​നേ​ടി.

പ്ര​ണ​യം, ര​തി, രാ​ഷ്​​ട്രീ​യം, അ​ധി​കാ​രം, പ്ര​തി​ഷേ​ധം, വ​ർ​ഗം, സ​മൂ​ഹം എ​ന്നീ വി​ഭാ​ഗ​ത്തി​ലു​ള്ള സ​മ​കാ​ലി​ക എ​ഴു​ത്തു​കാ​രു​ടെ 100 പു​സ്​​ത​ക​ങ്ങ​ളാ​ണ്​ ബി.​ബി.​സി തി​ര​ഞ്ഞെ​ടു​ത്ത​ത്. സ്വ​ത്വ​ബോ​ധ​മു​ള്ള നോ​വ​ലു​ക​ളു​ടെ വി​ഭാ​ഗ​ത്തി​ലാ​ണ്​ ഗോ​ഡ്​ ഓ​ഫ്​ സ്​​മാ​ൾ തി​ങ്​​സ്​ ഇ​ടം​നേ​ടി​യ​ത്.

നാ​രാ​യ​ണന്റെ സ്വാ​മി ആ​ൻ​ഡ്​ ഫ്ര​ണ്ട്സ് വ​രു​ംകാ​ല​ത്തെ നോ​വ​ലു​ക​ളു​ടെ കൂ​ട്ട​ത്തി​ലും റു​ഷ്​​ദി​യു​ടെ ദ ​മൂ​ർസ് ലാ​സ്​​റ്റ്​ സൈ ​നി​യ​മ​ങ്ങ​ൾ ലം​ഘി​ക്കു​ന്ന വി​ഭാ​ഗ​ത്തി​ലു​മാ​ണ്. സേ​ത്തി​ന്റെ എ ​സ്യൂ​ട്ട​ബിൾ ബോ​യ്​ കു​ടും​ബം-​സൗ​ഹൃ​ദം വി​ഭാ​ഗ​ത്തി​ൽ​പെ​ട്ട​താ​ണ്. ജെ.​കെ. റൗ​ളി​ങ്ങി​ന്റെ ഹാ​രി പോ​ട്ട​ർ പ​ര​മ്പ​ര​യും 100 പു​സ്​​ത​ക​ങ്ങ​ളു​ടെ കൂ​ട്ട​ത്തി​ലു​ണ്ട്.