തിരുവനന്തപുരം: മാദ്ധ്യമപ്രവർത്തകനും നടനുമായ ജോസ് തോമസ്(58)അന്തരിച്ചു. ഇന്ന് പുലർച്ചെ കിളിമാനൂരിൽ വച്ചുണ്ടായ വാഹനാപകടത്തിലായിരുന്നു അന്ത്യം. കോട്ടയം കുടമാളൂർ സ്വദേശിയാണ് ജോസ് തോമസ്. ഉണ്ണിക്കുട്ടന് ജോലി കിട്ടി, ദയ തുടങ്ങി നിരവധി സിനിമകളിലും ടെലിഫിലിമുകളിലും അഭിനയിച്ചിട്ടുണ്ട്. അമ്പതിലേറെ സിനിമകളിൽ അസോസിയേറ്റ് ഡയറക്ടറായി പ്രവർത്തിച്ചു. നിരവധി നാടകങ്ങളും ടെലിവിഷൻ ഡോക്യുമെന്ററികളും സംവിധാനം ചെയ്തിട്ടുണ്ട്. സംസ്‌കാരം പിന്നീട്.