തിരുവനന്തപുരം: ആറ്റിങ്ങൽ ആലംകോട് കൊച്ചുവിളമൂട്ടിലുണ്ടായ വാഹനാപകടത്തിൽ നാലുപേർ മരിച്ചു. കാറും ലോറിയും കൂട്ടിയിടിച്ചാണ് അപകടം ഉണ്ടായത്. കാറിലുണ്ടായിരുന്ന കായംകുളം പമ്പ ആശ്രമത്തിലെ സ്വാമി ഹരിഹര ചൈതന്യ, രാജൻ ബാബു, അനുരാഗ് എന്നിവരാണ് മരിച്ചത്. ഒരാളെ തിരിച്ചറിഞ്ഞിട്ടില്ല.

എല്ലാവരും കായംകുളം സ്വദേശികളാണെന്നാണ് പ്രാഥമിക നിഗമനം. നെയ്യാർ ഡാമിലുള്ള ആശ്രമത്തിൽ നിന്ന് പൂജ കഴിഞ്ഞ് മടങ്ങുകയായിരുന്നു ഇവർ. മൃതദേഹം ചിറയിൻകീഴ് സർക്കാർ ആശുപത്രിയിലേക്ക് മാറ്റി.