ന്യൂഡൽഹി: പൊതുമേഖലാ ബാങ്കായ ബാങ്ക് ഒഫ് ബറോഡ നടപ്പു സാമ്പത്തിക വർഷത്തെ രണ്ടാംപാദമായ ജൂലായ് - സെപ്‌തംബറിൽ 73.2 ശതമാനം വർദ്ധനയോടെ 736.68 കോടി രൂപയുടെ ലാഭം രേഖപ്പെടുത്തി. മുൻവർഷത്തെ സമാനപാദത്തിൽ ലാഭം 425.38 കോടി രൂപയായിരുന്നു. മൊത്തം വരുമാനം 13,429.95 കോടി രൂപയിൽ നിന്നുയർന്ന് 22,097.91 കോടി രൂപയായി.

മൊത്തം നിഷ്‌ക്രിയ ആസ്‌തി (ജി.എൻ.പി.എ) 11.78 ശതമാനത്തിൽ നിന്ന് 10.25 ശതമാനമായും അറ്റ നിഷ്‌ക്രിയ ആസ്‌തി (എൻ.എൻ.പി.എ) 4.86 ശതമാനത്തിൽ നിന്ന് 3.91 ശതമാനമായും കുറഞ്ഞത് ബാങ്കിന് നേട്ടമായി.