തിരുവനന്തപുരം: പരീക്ഷ ഉൾപ്പെടെ, തിരഞ്ഞെടുപ്പിന്റെ വിവിധ ഘട്ടങ്ങളിൽ തിരിച്ചറിയൽ ബയോമെട്രിക് സംവിധാനത്തിലൂടെ ഉറപ്പാക്കുന്നതിന് മുന്നോടിയായി എല്ലാ ഉദ്യോഗാർത്ഥികളും ആധാർ നമ്പർ പ്രൊഫൈലുമായി ലിങ്ക് ചെയ്യണം. ഒറ്റത്തവണ രജിസ്‌ട്രേഷൻ മുഖേന അമ്പത് ലക്ഷത്തോളം ഉദ്യോഗാർത്ഥികൾ പി.എസ്.സി.യിൽ രജിസ്റ്റർ ചെയ്തിട്ടുണ്ട്. ആധാർ നമ്പർ നൽകിയിട്ടുള്ളവരിൽ പ്രൊഫൈലുമായി ബന്ധിപ്പിക്കാത്തവർ അവശേഷിക്കുന്നുണ്ട്. ആധാർ നമ്പർ പ്രൊഫൈലുമായി ബന്ധിപ്പിക്കുന്നവിധം : പ്രൊഫൈലിൽ ലോഗിൻ ചെയ്യുക. ഹോം പേജിൽ കാണുന്ന ആധാർ ലിങ്കിംഗ് ബട്ടൺ ക്ലിക്ക് ചെയ്യുക. ലിങ്കിംഗ് ആധാർ വിത്ത് പ്രൊഫൈൽ വിൻഡോയിൽ ആധാർ നമ്പർ, ആധാർ കാർഡിലുളള പേര് എന്നിവ നൽകി കൺസെന്റ് ഫോർ ആതന്റിക്കേഷനിൽ ടിക് ചെയ്തതിനുശേഷം ലിങ്ക് വിത്ത് പ്രൊഫൈൽ ബട്ടൺ ക്ലിക്ക് ചെയ്ത് ആധാർ ലിങ്കിംഗ് പൂർത്തിയാക്കാം.