മനശാസ്ത്ര വിദഗ്‌ദ്ധയായ കലാ മോഹന്റെ ഒരു ഫേസ്ബുക്ക് പോസ്റ്റ് സോഷ്യൽ മീഡിയയിലിപ്പോൾ വൈറലായിക്കൊണ്ടിരിക്കുകയാണ്. പുരുഷനെ പ്രലോഭിപ്പിക്കാൻ മാത്രമായി ഭൂമിയിൽ അവതരിച്ചവർ അല്ല സ്ത്രീകൾ എന്ന് വ്യക്തമാക്കിക്കൊണ്ടുള്ളതാണ് കുറിപ്പ്. ആൺ-പെൺ വേർതിരിവിന് തുടക്കം കുറിയ്ക്കുന്നത് സ്കൂളുകളിൽ നിന്നാണ്. പ്രശസ്തമായ വിദ്യാലയങ്ങളിൽ പഠിക്കുന്ന വിദ്യാർത്ഥിനികൾക്ക് പോലും അനുഭവിക്കേണ്ടി വരുന്ന ലിംഗ വിവേചനത്തെക്കുറിച്ച് കുറിപ്പിലൂടെ കലാ മോഹൻ ചൂണ്ടിക്കാണിക്കുന്നു.

സ്കൂൾ തലത്തിൽ നിന്നും തുടങ്ങുന്ന ഈ അടിച്ചമർത്തൽ, ദാമ്പത്യത്തിൽ എത്തുമ്പോഴും കൂടുതൽ പ്രതിഫലിക്കും. 'പുരുഷന് ലൈംഗികത നിഷേധിച്ചാൽ അവന് മറുമാർഗ്ഗങ്ങൾ ഉണ്ട്... സ്ത്രീ, അടിച്ചമർത്തപ്പെടേണ്ടവൾ മാത്രമാണ്'-കലാമോഹൻ കുറിച്ചു.

ഫേസ്ബുക്ക് പോസ്റ്റിന്റെ പൂർണ്ണരൂപം

പുരുഷനെ പ്രലോഭിപ്പിക്കാൻ മാത്രമായി ഭൂമിയിൽ അവതരിച്ചവർ ആണോ സ്ത്രീകൾ? -------------------------============----=---------==========----================--------- വളരെ മികച്ചത് എന്ന് പേര് കേട്ട ചില വിദ്യാലയങ്ങളിൽ നിന്നുള്ള അനുഭവങ്ങൾ അവിടെ നിന്നും പഠിച്ചിറങ്ങിയ ചില വിദ്യാർഥിനികൾ പങ്കുവെയ്ക്കാറുണ്ട് .. ഇന്ന് ഡിഗ്രി യ്ക്ക് പഠിക്കുന്ന ഒരു പെൺകുട്ടി അവളുടെ പൊള്ളുന്ന ഓർമ്മ പങ്കു വെച്ചത് ഇങ്ങനെ .. ''കാല്പാദത്തിന് തൊട്ടു മുകളിൽ നിൽക്കുന്ന ഒരു പാവാട , അത് കാറ്റിൽ മാറുമ്പോൾ എന്റെ അവിടെ ഉള്ള നഗ്നത കാണും , അത് ആൺകുട്ടികളെ പ്രലോഭിപ്പിക്കും എന്ന് പറഞ്ഞു , ആ ദിവസത്തിന്റെ പകുതി വരെ എന്നെ ഒരു മുറിയിൽ തനിച്ചു ഇരുത്തി .. എന്റെ ആ ദിവസത്തെ പഠനം മുടക്കി .. കൊണ്ട് പോകാൻ വന്ന അമ്മയെ പ്രധാനഅദ്ധ്യാപിക ഒരുപാടു അവഹേളിച്ചു .. ഈ സ്കൂളിൽ അഡ്മിഷൻ കിട്ടാൻ വളരെ ബുദ്ധിമുട്ടാണ് .. എന്നിട്ടും എന്നെ 'അമ്മ പിന്നെ അവിടെ പഠിപ്പിച്ചില്ല ...

എന്റെ കാലിന്റെ നഗ്നത കണ്ടു ആൺകുട്ടികൾക്ക് ആ ദിവസത്തെ പഠനത്തിന് ശ്രദ്ധകുറയും എന്ന് അവർ പറയുമ്പോൾ , അതിന്റെ പേരിൽ എനിക്ക് ആ ദിവസത്തെ നഷ്‌ടമായ പഠനത്തെ കുറിച്ച് ചിന്തിക്കുന്നില്ല ,..'' വളരെ മിടുക്കരായ കുട്ടികളെ വെച്ച് , പഠനത്തിൽ , കലാകായിക വിഷയത്തിൽ , ഒക്കെ ഖ്യാതി നേടി , ഓരോ വർഷവും മികച്ച സംഭാവന വാങ്ങി കുട്ടികൾക്ക് അഡിമിഷൻ കൊടുക്കുന്ന ഇത്തരം എത്രയോ സ്കൂളുകൾ .. പ്രോത്സാഹനം എന്നത് അവിടെ ആളും തരവും നോക്കിയാണ് ..ആണും പെണ്ണും വേർതിരിവ് തുടക്കം കുറിയ്ക്കുന്നത് അവിടെ നിന്നാണ്..

പേര് കേട്ട ഒരു ഒരു വനിതാ കോളേജിൽ എന്നെ ക്ലാസ് എടുക്കാൻ വിളിച്ചു .. പെൺകുട്ടികൾ നിറഞ്ഞ ക്ലാസ് മുറിയിൽ മുൻനിരയിൽ അദ്ധ്യാപികമാർ ഇരുപ്പുണ്ട് . ആദ്യത്തെ കുറച്ചു നേരത്തെ ഇടപെടൽ , ക്ലാസ് , ചർച്ച , പിന്നെ ഓരോരുത്തരായി കൗൺസലിംഗ് നിമിഷങ്ങൾ .. ഇതാണ് എന്റെ അനുതാപപ്രമാണം .. '' ഈ ഒരു ദിവസം , ഇവർക്ക് ഫലപ്രദമായ എന്തെങ്കിലും കൊടുക്കണം എങ്കിൽ ഞാനും ഇവരും തനിച്ചാകണം .,.'' അദ്ധ്യാപകർ കൂടി ഇരിക്കുന്ന സദസ്സിൽ കുട്ടികൾ മനസ്സ് തുറന്നു സംവദിക്കില്ല എന്ന് എനിക്ക് അറിയാം .. ഞാൻ ആ പറഞ്ഞത് ഉൾകൊണ്ട് തന്നെ ഗുരുക്കന്മാരെല്ലാം പുറത്തേയ്ക്കു പോയി .. തുറന്ന ചർച്ചയും പ്രതികരണങ്ങളും ആയി സമയം പോയത് അറിഞ്ഞതേ ഇല്ല . '' പെൺകുട്ടികൾ ആയി ജനിച്ചതിൽ സങ്കടം തോന്നിയത് ഇവിടെ , ഈ കോളേജിൽ എത്തിയതിനു ശേഷം ആണ് '' ഞങ്ങളുടെ ചെറിയ തെറ്റിന് മാതാപിതാക്കളെ വിളിച്ചു വരുത്തി ആക്ഷേപിക്കൽ ഇവിടത്തെ പ്രിൻസിപ്പലിന്റെ രീതി ആണ് .. ഇന്ന കുട്ടിയുടെ അച്ഛൻ ആരാണ് .,.'അമ്മ ആരാണ് എന്ന് പറഞ്ഞു എഴുന്നേല്പിച്ചു നിർത്തും .. മീറ്റിങ് നു എത്തിയ അനേകം ആളുകളുടെ ഇടയിൽ നിന്നും അവരെ മാത്രം എഴുന്നേൽപ്പിച്ചു നിർത്തിയാണ് , ഞങ്ങളുടെ കുറ്റങ്ങൾ പറയുക .. പാവങ്ങളാണ് അധികവും ഇവിടെ ഉള്ള കുട്ടികളുടെ മാതാപിതാക്കൾ .. അവരുടെ നിസ്സായവസ്ഥയെ അപമാനിക്കുക അല്ലെ ? ചോദിക്കാതിരിക്കാൻ എനിക്കും ആയില്ല .. ഇപ്പോൾ രോഷം കൊള്ളുന്നത് അല്ലാതെ പ്രതികരിക്കാൻ നിങ്ങള്ക്ക് പറ്റിയില്ലല്ലോ ? ഇവിടെ ആണ് ആണ്കുട്ടികളൂം പെൺകുട്ടികളും തമ്മിലുള്ള വ്യത്യാസം .. സ്കൂൾ തലത്തിൽ നിന്നും തുടങ്ങുന്ന ഈ അടിച്ചമർത്തൽ , ദാമ്പത്യത്തിൽ എത്തുമ്പോഴും കൂടുതൽ പ്രതിഫലിക്കും ..

അടുത്ത കൂട്ടുകാരി അവളുടെ അനുഭവം പറഞ്ഞു കേട്ടിട്ടുണ്ട് .. ഞങ്ങളുടെ നാടിന്റെ പരിസരത്ത് കൂടി പോയാൽ മതി , കുടുംബത്ത് കേറി ഊണും കാപ്പിയും കഴിച്ചേ കെട്ട്യോന്റെ അമ്മാച്ചനും ഭാര്യയും മോളും പോകു ..ഒരു ദിവസം അവരുടെ വീട്ടിൽ ഞങ്ങളുടെ ആളുകൾ എത്തി , അൽപ്പനായ അമ്മാച്ചൻ വളിച്ച ചിരിയോടെ അപ്പോഴേ എങ്ങോട്ടോ ഇറങ്ങി പോയി . ഞങ്ങൾ തിരിച്ചു പോകും വരെ അങ്ങേരെ കണ്ടില്ല .. ഈ മനുഷ്യന്റെ ശല്യം ആഴ്ചയ്ക്കു കുടുംബവീട്ടിൽ ഉണ്ടെന്നു ഓർക്കണം ..' കെട്ട്യോന്റെ അച്ഛനെയും അമ്മയെയും അല്ല .. അമ്മാച്ചന്മാരെയും മറ്റു ബന്ധുക്കൾക്കും മുഴുവൻ തീറ്റ കൊടുക്കണം ..അല്ലേൽ അമ്മായിഅമ്മ കുത്തും കോളും പറഞ്ഞു കെട്ട്യോനെ തിരിക്കും ...ശെരി ചെയ്യാം ., എന്നാൽ തിരിച്ചു നമ്മുടെ ആളുകൾ വന്നാൽ തഥൈവ ..!!

ഫെമിനിസം എന്ന വാക്കിനെ അശ്ലീലമായി കാണുന്ന സമൂഹമാണ് നമ്മുടേത് . അങ്ങനെ എങ്കിൽ, ആക്രമിക്കപ്പെടാൻ , ഉപയോഗിക്കപ്പെടാൻ ,പിന്നെ, വിറ്റഴിക്കുമ്പോൾ എതിർക്കാതിരിക്കാൻ പാകത്തിന് മാനസികമായ വളർച്ചയെ സത്യത്തിൽ സ്ത്രീ നേടേണ്ടതുള്ളൂ .എന്നാണോ? .വിദ്യാഭ്യാസം എന്തിനു ആണ് ? എന്തിനാണ് അരങ്ങത്തേയ്ക്ക് വരുന്നത് ? പ്രതികരിക്കുന്നു എങ്കിൽ അല്ലെ അവളെ മാനസിക രോഗികയോ അപഥ സഞ്ചാരിണി ആയി മുദ്രകുത്തു ? ഫ്രോയിഡ് ഉന്നയിച്ചിട്ടുള്ള സംപ്രത്യയങ്ങൾ ഉണ്ട് .. പീനിസ് എൻവി , അതായത് പുരുഷ ലിംഗത്തിന്റെ പേരിൽ ഉള്ള അസൂയ ... സ്ത്രൈണമായ ആത്മാനുരാഗം , സ്ത്രൈണമായ ദുഖാഭിരതി ..എന്നിവ .. അദ്ദേഹം വര്ഷങ്ങള്ക്കു മുൻപ് എഴുതി വെച്ച ഈ സിദ്ധാന്തങ്ങൾ വീണ്ടും വീണ്ടും ഓർമ്മയിൽ എത്തുന്നു .. മറ്റാരാലൊക്കെയോ ഉപയോഗിക്കപ്പെടുന്ന ജീവിതം , സ്ത്രീയിൽ ഉണ്ടാക്കി എടുക്കുന്ന അപകർഷതാ ബോധം , അവഗണിക്കപ്പെടുമ്പോഴും ,അവഹേളിക്കപെടുമ്പോഴും ഇരട്ടിക്കുന്ന മാനസിക സംഘർഷം , സ്വത്വം നശിച്ചു ആത്മഹത്യ വരെ എത്തുന്ന അവൾ ...

പെഡോഫിലിക്‌ ഡിസോർടർ എന്ന് ആരോപിക്കപ്പെട്ട ഒരുവളെ പറ്റി ഒരിക്കൽ അറിഞ്ഞു .. അവൾ, വർഷങ്ങൾ കൂടുമ്പോൾ നാട്ടിൽ എത്തുന്ന ഭാർത്താവിന്റെ മാതാപിതാക്കളെ ശ്രുശ്രൂഷിച്ചു കുടുംബവീട്ടിൽ തികഞ്ഞ അച്ചടക്കത്തോടെ ജീവിക്കുന്ന അവളിൽ നിന്നും , ബന്ധുവായ ആൺകുട്ടിക്ക് പീഡനം അനുഭവിക്കേണ്ടി വന്നു എന്നത് എല്ലാവരിലും ഞെട്ടൽ ഉണ്ടാക്കി .. ഈ കഥ കേട്ടതല്ലാതെ മറ്റു അനുബന്ധങ്ങൾ ഒന്നും അറിയില്ല .,. അവളൊരു വ്യക്തിവൈകല്യത്തിന് ഉടമ ആണോ എന്ന് തീർച്ചപ്പെടുത്താനും അവളിലെ അവളെ അറിയണം .. സ്വന്തം ശരീരത്തിന്റെ തൃഷ്ണകളും ഛേദനകളും അടിച്ചമർത്തി , അവൾ ഒരു രോഗിയായോ എന്നറിയില്ല .. പുരുഷന് ലൈംഗികത നിഷേധിച്ചാൽ അവന് മറുമാർഗ്ഗങ്ങൾ ഉണ്ട്.. സ്ത്രീ, അടിച്ചമർത്തപ്പെടേണ്ടവൾ മാത്രമാണ്.. ഒടുവിൽ അവൾ ഒരു കൊടുംകുറ്റവാളി ആയേക്കും വരെ.. അതൊരു disorder ആണെങ്കിൽ ചികിത്സ ആണ് ആവശ്യം.. ന്നാൽ, ഇവടെ പറഞ്ഞു കേട്ടത് വെച്ചു കുറ്റവാളി ആണ് ആ സ്ത്രീ എന്നാണ് എന്റെ തോന്നൽ... അങ്ങനെ എങ്കിൽ അവളെ അതിലേയ്ക്ക് എത്തിച്ചത് ഏതു ജീവിത സാഹചര്യം ആണ്?

അടുത്ത ഒരുവൾ , അവളുടെ അവസ്ഥ ഇതാണ് .. കുടുംബത്തിന് വേണ്ടി ഒരുപാട് കഷ്ട്ടപെട്ടു ..എല്ലാവരെയും ഓരോ സ്ഥാനത് എത്തിച്ചു .. എനിക്കിനി എന്റെ പാതയിൽ എത്തണം ...ഞാൻ പുരുഷൻ ആണ് .. കൗൺസലിംഗ് സൈക്കോളജിസ്റ് ആയ എന്നോട് ഇത്തരത്തിൽ അനുഭവങ്ങൾ പങ്കു വെയ്ക്കുന്ന ഒരുപാടു പേരുണ്ട് .. ലൈംഗികത എന്നത് അവനവന്റെ തീരുമാനവും സ്വാതന്ത്ര്യവും ആണെന്ന് പറഞ്ഞാൽ ഉൾകൊള്ളാൻ പറ്റുന്ന കുടുംബാന്തരീക്ഷവും സമൂഹവും അല്ല നമ്മുടേത് .. ഒരു പുരുഷന് സ്ത്രീ ആകാൻ പിന്നെയും പിന്തുണ കിട്ടിയേക്കും .. എന്നാൽ സ്ത്രീയുടെ തലത്തിൽ നിന്നും പുരുഷൻ ആകണമെന്നൊരു തീരുമാനം മകൾ പറഞ്ഞാൽ ,' അതൊരു ഭൂകമ്പം ആണ് .. അശ്ലീലം പറയാനും നോക്കാനും , ചരക്കായി നിലകൊള്ളുന്ന അടക്കവും ഒതുക്കവും ഉള്ള പെണ്ണിനെ മാത്രമേ സമൂഹത്തിനു വേണ്ടുള്ളൂ ..

പ്രതികരിക്കാൻ പോയാൽ ,പിന്നെ അവൾ അഴുക്ക ആണ് .. വിവാഹമോചിത ആയ പെണ്ണുങ്ങൾക്ക് , വിധവകൾക്കു എന്ത് വേണമെന്ന് ചോദിച്ചാൽ സത്യത്തിൽ ആദ്യം മനസ്സിൽ വരുന്ന ഒരേയൊരു ഉത്തരം ഇതാണ് .. ഒന്ന് ജീവിക്കാൻ സമ്മതിച്ചാൽ മാത്രം മതി ..! ഇത് ആദ്യം പറയേണ്ടത് സ്വന്തം കുടുംബത്തിൽ ഉള്ളവരോട് , പിന്നെ സമൂഹത്തിനോടും .. പുരുഷനെ പ്രലോഭിപ്പിക്കാൻ മാത്രമായി ഭൂമിയിൽ അവതരിക്കപ്പെട്ട വസ്തുക്കൾ അല്ല സ്ത്രീ...