പനാജി: പരിശീലന പറക്കലിനിടെ ഇന്ത്യൻ നാവികസേനയുടെ മിഗ് 29 കെ യുദ്ധവിമാനം ഗോവയിലെ ഡബോലിൻ ഗ്രാമത്തിന് സമീപം എൻജിൻ തകരാറ് മൂലം തകർന്നുവീണു. ഇന്ന് രാവിലെയായിരുന്നു സംഭവം. വി​മാ​ന​ത്തി​ലു​ണ്ടാ​യി​രു​ന്ന ര​ണ്ടു ട്രെ​യി​നി പൈ​ല​റ്റു​മാ​ർ ര​ക്ഷ​പ്പെ​ട്ട​താ​യി വ്യോ​മ​സേ​ന അ​റി​യി​ച്ചു. ഡബോലിമിലെ ഐ‌.എൻ‌.എസ് ഹൻസയിൽ നിന്ന് പ​റ​ന്നു​യ​രാ​ൻ ശ്ര​മി​ക്കു​ന്ന​തി​നി​ടെ​യാ​ണ് അ​പ​ക​ട​മു​ണ്ടാ​യ​ത്. മിഗ് 29 യുദ്ധവിമാനത്തിന്റെ പരിശീലന പതിപ്പാണ് മിഗ് 29 കെ. എൻജിൻ തകരാറിലായതിന്റെ കാരണം സ്ഥിരീകരിച്ചിട്ടില്ലെങ്കിലും പക്ഷികൾ വിമാനത്തിൽ ഇടിച്ചതാകാം അപകടകാരണമെന്ന് റിപ്പോർട്ടുകളുണ്ട്. തകർന്നുവീണ വിമാനത്തിൽ നിന്ന് പുക വന്നിരുന്നതായി ദൃക്‌സാക്ഷികൾ പറഞ്ഞിരുന്നു.