മുംബയ് : റിലയൻസ് കമ്മ്യൂണിക്കേഷന് ഉണ്ടായ ഭീമമായ നഷ്ടത്തിൻെറ കണക്കുകൾ പുറത്തുവന്നതിന് പിന്നാലെ അനിൽ അംബാനി റിലയൻസ് കമ്മ്യൂണിക്കേഷൻ ഡയറക്ടർ സ്ഥാനം രാജിവച്ചു.

റിലയൻസ് കമ്മ്യൂണിക്കേഷൻസിലെ മറ്റ് നാല് മുതിർന്ന ഉദ്യോഗസ്ഥരും അദ്ദേഹത്തോടൊപ്പം രാജിവെച്ചിട്ടുണ്ട്. ചായ വിരാനി, റൈന കരാനി, മഞ്ജരി കാക്കർ, സുരേഷ് രംഗച്ചാർ എന്നീ റിലയൻസ് കമ്മ്യൂണിക്കേഷൻസിൻെറ തലപ്പത്തിരുന്ന പ്രമുഖരാണ് രാജിവെച്ചത്.

2019-20 രണ്ടാം പാദത്തിൽ റിലയൻസ് കമ്മ്യൂണിക്കേഷന്റെ ഏകീകൃത നഷ്ടം 30,142 കോടി രൂപയാണ്. വെള്ളിയാഴ്ചയാണ് ഈ കണക്ക് പുറത്ത് വിട്ടത്. ബോംബെ സ്റ്റോക്ക് എക്സ്ചേഞ്ചിനും നാഷണൽ സ്റ്റോക്ക് എക്സ്ചേഞ്ച് ഓഫ് ഇന്ത്യ ലിമിറ്റഡിനും അയച്ച കത്തിലാണ് റിലയൻസ് കമ്മ്യൂണിക്കേഷൻ സമീപകാല സംഭവവികാസങ്ങൾ വെളിപ്പെടുത്തിയത്.