സാൻഫ്രാൻസിസ്‌കോ: ഇൻസ്റ്റാഗ്രാം മാതൃകയിൽ ഫേസ്ബുക്കിലും ഫോട്ടോകൾ മാത്രം കാണാൻ കഴിയുന്ന സംവിധാനം യാഥാർത്ഥ്യമാകാൻ പോകുന്നു. ഫേസ്ബുക്കിന്റെ മൊബൈൽ ആപ്പിൽ ഫോട്ടോ മാത്രം കാണാൻ കഴിയുന്ന സംവിധാനം പരീക്ഷണഘട്ടത്തിലാണ്.
ഇൻസ്റ്റാഗ്രാമിലെ പോലെ ചിത്രങ്ങൾ മാത്രം കാണാൻ സാധിക്കുന്ന സംവിധാനം ഒരുക്കാനാണ് ഫേസ്ബുക്ക് തയ്യാറെടുക്കുന്നത്. അതിനായി പ്രത്യേക സംവിധാനം ഒരുക്കുന്നതിന്റെ സാദ്ധ്യതയാണ് ഫേസ്ബുക്ക് തേടുന്നത്. പോപ്പുലർ ഫോട്ടോസ് എന്ന പേരിൽ ഈ ഫീച്ചർ അവതരിപ്പിക്കാനാണ് ഉദ്ദേശിക്കുന്നത്.
സുഹൃത്തുക്കളുടെ തിരഞ്ഞെടുക്കപ്പെട്ട ചിത്രങ്ങൾ സ്‌ക്രോൾ ചെയ്ത് ന്യൂസ് ഫീഡിൽ നിന്ന് കാണാൻ കഴിയുന്ന വിധം ക്രമീകരിക്കാനാണ് പദ്ധതി. ഇൻസ്റ്റാഗ്രാമിൽ ചിത്രങ്ങൾ കാണുമ്പോൾ ലഭിക്കുന്ന പ്രതീതി ഉണ്ടാക്കുകയാണ് ലക്ഷ്യം.