കൊളംബോ:ശ്രീലങ്കയിലെ പുതിയ പ്രസിഡന്റ് നന്ദസേന ഗോതാബയ രാജപക്സെ രണ്ട് പതിറ്റാണ്ട് നീണ്ട പട്ടാള ജീവിതത്തിന് ശേഷം രാഷ്‌ട്രീയത്തിൽ വിജയിച്ച നേതാവാണ്. അദ്ദേഹത്തിന്റെ ജീവിത രേഖ:

ജനനം 1949 ജൂൺ 20ന്

കൊളംബോയിലെ ആനന്ദ കോളേജിൽ ബിരുദ പഠനം

1971ൽ സിലോൺ ആർമിയിൽ ചേർന്നു

ശ്രീലങ്കൻ ആഭ്യന്തരയുദ്ധം അടിച്ചമർത്താനുള്ള സൈനിക ഓപ്പറേഷനുകളിൽ സജീവം

1987 - 89ലെ ജനതാ വിമുക്തി പെരമുനയുടെ ഭീകരതയ്‌ക്കെതിരെ സൈനിക ഓപ്പറേഷനുകൾ

ധീരതയ്‌ക്ക് മൂന്ന് പ്രസിഡന്റ്മാരിൽ നിന്ന് അവാർഡുകൾ

ലഫ്റ്റനന്റ് കേണൽ റാങ്കിൽ വരെ എത്തി

20 വർഷത്തെ സൈനിക സേവനത്തിന് ശേഷം 1992ൽ സ്വയം വിരമിച്ചു

അമേരിക്കയിലേക്ക് കുടിയേറി ഐ. ടി മേഖലയിൽ ചുവടുറപ്പിച്ചു

2005ൽ സഹോദരൻ മഹിന്ദ രാജപക്‌സെയെ പ്രസിഡന്റ് തിരഞ്ഞെടുപ്പിൽ സഹായിക്കാൻ തിരിച്ചെത്തി

സഹോദരന്റെ മന്ത്രിസഭയിൽ പ്രതിരോധ സെക്രട്ടറിയായി

തമിഴ് പുലികളെ ക്രൂരമായി അടിച്ചമർത്തി

പുലി നേതാവ് വേലുപ്പിള്ള പ്രഭാകരനെ വധിച്ചു

2006ൽ തമിഴ് പുലിയുടെ ചാവേർ ആക്രമണത്തിൽ നിന്ന് രക്ഷപ്പെട്ടു

യുദ്ധാനന്തര ശ്രീലങ്കയിൽ നിരവധി നഗര വികസന പദ്ധതികൾ നടപ്പാക്കി

2015ലെ തിരഞ്ഞെടുപ്പിൽ ൽ മഹിന്ദ രാജപക്സെയുടെ പരാജയത്തെ തുടർന്ന് സ്ഥാനം ഒഴിഞ്ഞു.

2019ൽ പ്രസിഡന്റ് തിരഞ്ഞെടുപ്പിൽ വിജയിച്ചു

ഭാര്യ: അയോമ രാജപക്‌സെ, പുത്രൻ: മനോജ് രാജപക്‌സെ