ന്യൂ​ഡ​ൽ​ഹി: ജെ.​എ​ൻ​.യു സർവകലാശാലയിലെ​ ഹോ​സ്റ്റ​ൽ ഫീ​സ് വ​ർ​ദ്ധ​ന​യ്ക്കെതിരെ വി​ദ്യാ​ർ​ത്ഥി യൂ​ണി​യ​ന്റെ നേ​തൃ​ത്വ​ത്തി​ൽ നടന്ന പാ​ർ​ല​മെ​ന്റിലേ​ക്കു​ള്ള പ്ര​തി​ഷേ​ധ മാ​ർ​ച്ച് പൊലീസ് തടഞ്ഞു. പൊലീസ് സ്ഥാപിച്ച ബാരിക്കേഡ് മറികടക്കാൻ വിദ്യാർത്ഥികൾ ശ്രമിച്ചത് സ്ഥലത്ത് സംഘർഷാവസ്ഥ സൃഷ്ടിച്ചു. സംഘർഷം രൂക്ഷമായതോടെ ക്യാമ്പസിന് പുറത്ത് നിരോധനാജ്ഞ പ്രഖ്യാപിക്കുകയായിരുന്നു. സമരത്തിൽ നിന്നും പിന്മാറണമെന്ന് ജെ.എൻ.യു വൈസ് ചാൻസിലർ വിദ്യാർത്ഥികളോട് അഭ്യർത്ഥിക്കുകയുണ്ടായി. സമരം തുടരുന്നത് വിദ്യാർത്ഥികളുടെ ഭാവിയെ ബാധിക്കുമെന്നാണ്‌ വി.സി അവരോട് പറഞ്ഞത്.

വി​ദ്യാ​ർത്ഥി മാ​ർ​ച്ച് തടഞ്ഞുകൊണ്ട് പൊ​ലീ​സ് ഭീ​തി പ​ര​ത്താ​ൻ ശ്ര​മി​ക്കു​ക​യാ​ണെ​ന്ന് യൂ​ണി​യ​ൻ നേ​താ​ക്ക​ൾ ആരോപിച്ചു. മാ​ർ​ച്ചി​നെ തു​ട​ർ​ന്ന് പാ​ർ​ല​മെ​ന്റിന്റെ സു​ര​ക്ഷ ശ​ക്ത​മാ​ക്കിയിട്ടുണ്ട്. അതേസമയം, ജെ​.എ​ൻ.​യു സമരത്തിൽ സ​ർ​ക്കാ​ർ ഉ​ന്ന​താ​ധി​കാ​ര സ​മി​തി​യെ നി​യോ​ഗി​ച്ചു. യു​ജി​സി മു​ൻ ചെ​യ​ർ​മാ​ൻ അ​ട​ങ്ങു​ന്ന മൂ​ന്നം​ഗ സ​മി​തി വി​ദ്യാ​ർ​ഥി​ക​ളു​മാ​യി ച​ർ​ച്ച ന​ട​ത്തു​മെ​ന്നും സ​ർ​ക്കാ​ർ വൃ​ത്ത​ങ്ങ​ൾ അ​റി​യിച്ചിട്ടുണ്ട്. നി​ല​വി​ലെ ഫീ​സ് തങ്ങൾ അംഗീകരിക്കില്ലെന്നും സ​മ​ര​ത്തി​ൽ നി​ന്നും പി​ന്മാറുകയില്ലെ​ന്നും വി​ദ്യാർത്ഥികൾ നേ​ര​ത്തെ അ​റി​യി​ച്ചി​രു​ന്നു. ഇ​തി​ന്റെ തു​ട​ർ​ച്ച​യാ​യി​ട്ടാ​ണ് പാ​ർ​ല​മെ​ന്റ് സ​മ്മേ​ള​നം തു​ട​ങ്ങു​ന്ന ദി​വ​സം പ്ര​തി​ഷേ​ധ മാ​ർ​ച്ച് ന​ട​ത്താ​ൻ വിദ്യാർത്ഥികൾ തീ​രു​മാ​നി​ച്ച​ത്.