തിരുവനന്തപുരം: സ്വാമി സത്യാനന്ദസരസ്വതിയുടെ പതിമ്മൂന്നാമത് മഹാസമാധി വാർഷികം 24, 25 തീയതികളിൽ ചേങ്കോട്ടുകോണം ശ്രീരാമദാസ ആശ്രമം​മിഷൻ പ്രസ്ഥാനങ്ങളുടെ നേതൃത്വത്തിൽ ആചരിക്കും.ശ്രീരാമദാസ ആശ്രമത്തിൽ 24ന് വെളുപ്പിന് 3.30ന് നിർമ്മാല്യം, രാവിലെ 5.30ന് ആരാധന, 6.30ന് അഹോരാത്ര ശ്രീരാമായണപാരായണ സമാരംഭം, 10ന് ഗുരുഗീതാ പാരായണം, ഭജന. 11ന് മഹാസമാധിപൂജ, ഉച്ചയ്ക്ക് ഒന്നിന് പ്രസാദ ഊട്ട്, വൈകിട്ട് 6.30ന് സഹസ്രദീപദർശനം, രാത്രി 7.30ന് ഭജന, 8ന് ആരാധന. 25ന് വെളുപ്പിന് 3.30ന് ശ്രീരാമപട്ടാഭിഷേകം. 4ന് നിർമ്മാല്യം, രാവിലെ 5.30ന് ആരാധന, 6.30ന് അഹോരാത്ര ശ്രീരാമായണ പാരായണസമാരംഭം, 7.30ന് ലക്ഷാർച്ചന സമാരംഭം, 8ന് കഞ്ഞിസദ്യ, ഉച്ചയ്ക്ക് ഒന്നിന് അമൃതഭോജനം, രാത്രി 7ന് ലക്ഷാർച്ചന സമർപ്പണം, 7.30ന് ഭജന, 8ന് ആരാധന, വെളുപ്പിന് 3.30ന് ശ്രീരാമപട്ടാഭിഷേകത്തോടെ ചടങ്ങുകൾ സമാപിക്കും. ചടങ്ങുകൾക്ക് ശ്രീരാമദാസ ആശ്രമം അദ്ധ്യക്ഷൻ സ്വാമി ബ്രഹ്മപാദാനന്ദ സരസ്വതി മുഖ്യകാർമ്മികത്വം വഹിക്കും.