തിരുവനന്തപുരം: വിൻഡീസിനെതിരായ ഇന്ത്യയുടെ ടി20 ടീം പ്രഖ്യാപിച്ചപ്പോൾ സഞ്ജു സാംസണിനെ പരിഗണിക്കാത്തതിനെതിരെ ആരാധകർ രംഗത്തെത്തി. ബംഗ്ലാദേശിനെതിരായ ടി20 ടീമിൽ താരത്തെ ഉൾപ്പെടുത്തിയിരുന്നു. വിജയ് ഹസാരെ ട്രോഫിയിൽ ഡബിൾ സെഞ്ച്വറി അടക്കം മിന്നുന്ന പ്രകടനം കാഴ്ചവച്ച ശേഷമായിരുന്നു സഞ്ജുവിൻെറ ദേശീയ ടീമിലേക്കുള്ള വരവ്. എന്നാൽ,​ ബംഗ്ലാദേശിനെതിരെ ഒരു മത്സരത്തിൽ പോലും സഞ്ജുവിനെ കളിപ്പിച്ചില്ല.

ദയനീയ പരാജയമായിട്ടും ഋഷഭ് പന്തിനെ ടീമിൽ ഉൾപ്പെടുത്തി. എന്നാൽ,​ സഞ്ജുവിനെ ടീമിൽ ഉൾപ്പെടുത്താത്തിതിൽ കടുത്ത പ്രതികണങ്ങളാണ് സോഷ്യൽ മീഡിയയിൽ ആരാധകർ പങ്കുവയ്ക്കുന്നത്. മലയാളി ക്രിക്കറ്റ് ആരാധകരിൽനിന്ന് സഞ്ജുവിനെ പിന്തുണച്ചും ബി.സി.സി.ഐയെ രൂക്ഷമായി വിമർശിച്ചുമുള്ള പ്രതികരണങ്ങളാണ്.

#BCCI What's so special about Rishabh Pant..?? Is he the only batsman option available out here..? He is being pampered despite repeated dismal performance. Drop pant.#SanjuSamson deserves a chance https://t.co/VDHTNo9gm2

— LIJO THOMAS (@lijoplathara) November 21, 2019

പിന്നാലെ പ്രതികരണവുമായി സഞ്ജു രംഗത്തെത്തി. ഫേസ്ബുക്കിൽ ഒരു സ്മെെലി മാത്രമാണ് താരം പങ്കുവച്ചത്. നിരവധി കമന്റുകളാണ് പോസ്റ്റിന് താഴെ. ഇതുവരെ എണ്ണായിരത്തിലധികം പ്രതികരണങ്ങളാണ് ലഭിച്ചത്. ആയിരത്തോളം കമന്റും ഇരുന്നൂറ്റൻപതോളം ഷെയറും ഈ പോസ്റ്റിനു ലഭിച്ചത്.

ചീഫ് സെലക്ടർ എം.എസ്.കെ. പ്രസാദി​ന്റെ നേതൃത്വത്തി​ൽ ഇന്നലെ കൊൽക്കത്തയി​ൽ ചേർന്ന സെലക്ഷൻ കമ്മി​റ്റി​യാണ് ടീം പ്രഖ്യാപനം നടത്തി​യത്. ബംഗ്ളാദേശി​നെതി​രായ ട്വന്റി​-20 പരമ്പരയി​ൽ നി​ന്ന് വി​ട്ടുനി​ന്നി​രുന്ന വി​രാട് കൊഹ്‌ലി​ വി​ൻഡീസി​നെതി​രെ ഏകദി​നത്തി​ലും ട്വന്റി​-20യി​ലും ക്യാപ്ടൻസി​ ഏറ്റെടുക്കും. പേസർമാരായ മുഹമ്മദ് ഷമി​യും ഭുവനേശ്വർ കുമാറും ട്വന്റി​-20 ടീമി​ലേക്ക് തി​രി​ച്ചെത്തി​. ബംഗ്ളാദേശി​നെതി​രെ ട്വന്റി​-20യി​ൽ അരങ്ങേറ്റം കുറി​ച്ച ആൾ റൗണ്ടർ ശി​വം ദുബയ്ക്ക് ഏകദി​ന ടീമി​ലേക്കും അവസരം നൽകി​.

കുൽദീപ് യാദവും ട്വന്റി​-20 ടീമി​ൽ ഇടം പി​ടി​ച്ചു. ബംഗ്ളാദേശി​നെതി​രായ ട്വന്റി​-20യി​ൽ ഹാട്രി​ക് നേടി​യ ദീപക് ചഹർ ഏകദി​ന ടീമി​ലേക്ക് തി​രി​ച്ചെത്തി​. ഫോമി​ല്ലാതെ തുടരുന്ന പന്തി​നെ ഇരുടീമുകളി​ലും ഉൾപ്പെടുത്തി.​ വി​ൻഡീസി​നെതി​രായ പരമ്പരയി​ൽ രോഹി​ത് ശർമ്മയ്ക്ക് വി​ശ്രമം നൽകുമെന്നായി​രുന്നു കണക്കുകൂട്ടൽ. അങ്ങനെയെങ്കി​ൽ സഞ്ജുവി​ന് അവസരം നൽകാമായി​രുന്നു. എന്നാൽ, രോഹി​തി​ന് വി​ശ്രമം എന്നത് സെലക്ടർമാരുടെ പരി​ഗണനയ്ക്ക് വന്നതേയി​ല്ല.