കൊച്ചി : ശബരിമലയിൽ പോകുന്നതിന് സുരക്ഷ ആവശ്യപ്പെട്ടു രഹന ഫാത്തിമ കൊച്ചി ഐ..ജി ഓഫിസിലെത്തി. ഇത്തവണ ശബരിമലയ്ക്ക് പോകാൻ സാധിക്കുമെന്നാണ് കരുതുന്നത് എന്ന് രഹന മാധ്യമങ്ങളോട് പറഞ്ഞു. പൊലീസ് തീരുമാനം അറിഞ്ഞിട്ട് ശബരിമല ദർശനത്തിനുള്ള തീയതി തീരുമാനിക്കുമെന്നും രഹന വ്യക്തമാക്കി. ജന്മദിനമായ 26ന് മാലയിടാനാണ് തീരുമാനിച്ചിരിക്കുന്നത്.

ദർശനത്തിന് കുടുംബത്തിനൊപ്പമായിരിക്കും ശബരിമലയിൽ പോകുന്നതെന്നും അവർ പറഞ്ഞു. നാട്ടിൽ നിലവിലിരിക്കുന്ന നിയമവ്യവസ്ഥയ്ക്ക് അനുസരിച്ചാണ് ശബരിമലയ്ക്കു പോകുന്നതെന്നും അതിനുള്ള അവകാശമുണ്ടെന്നും രഹന പറഞ്ഞു. ശബരിമലയിൽ പോകുന്നതിൽ പേടിയില്ല. കഴിഞ്ഞ തവണ ശബരിമലയിൽ എത്തിയത് ആളുകളിൽ തെറ്റിദ്ധാരണ ഉണ്ടാക്കിയിരുന്നു. കഴിഞ്ഞതവണ പോയതും നേരായ വഴിയിലൂടെ തന്നെയാണെന്ന് തനിക്ക് തെളിയിക്കേണ്ടതുണ്ടെന്നും രഹന ഫാത്തിമ കൂട്ടിച്ചേർത്തു.