തമിഴ്നാട്ടിൽ രജനീകാന്ത് കഴിഞ്ഞാൽ ഏറ്റവും കൂടുതൽ ആരാധകരുള്ള സൂപ്പർ താരമാണ് അജിത്. മലയാളികളുടെ പ്രിയ നായിക ശാലിനിയെയാണ് അജിത് വിവാഹം കഴിച്ചത്. ഇപ്പോൾ അദ്ദേഹം ശാലിനിയ്ക്ക് നൽകിയ അപ്രതീക്ഷിത സമ്മാനമാണ് ആരാധകർ ഏറ്റെടുത്തിരിക്കുന്നത്. ശാലിനിയുടെ നാൽപ്പതാം പിറന്നാളായിരുന്നു നവംബർ 20ന്. പിറന്നാൾ ദിനത്തിൽ ചെന്നൈയിലെ ലീലാ പാലസിൽ ശാലിനിക്കായി അജിത്ത് ഒരു പ്രത്യേക വിരുന്നൊരുക്കി. ശാലിനിയുടെ കോളജിലെ സുഹൃത്തുക്കളെ അജിത്ത് അതിഥിയായി ക്ഷണിക്കുകയും ചെയ്തു.

ശാലിനി അറിയാതെയാണ് അജിത്തിന്റെ നീക്കങ്ങൾ. കുടുംബത്തിനൊപ്പം ഹോട്ടലിൽ ഭക്ഷണം കഴിക്കാനെന്ന വ്യാജേന ശാലിനിയെ ഹോട്ടലിലെത്തിച്ചു. അപ്പോഴാണ് അജിത് തനിക്ക് കരുതിവച്ച സമ്മാനത്തിന്റെ കാര്യം ശാലിനി അറിഞ്ഞത്. അജിത്തൊരുക്കിയ പിറന്നാൾ സമ്മാനം കണ്ട് ശാലിനി അമ്പരന്നു . ആഘോഷങ്ങൾക്കായി ഹോട്ടലിലെ ഒരു ഹാൾ തന്നെ പൂർണ്ണമായും അജിത്ത് ബുക്ക് ചെയ്തിരുന്നു. 2000ലാണ് അജിത്തും ശാലിനിയും പ്രണയിച്ച് വിവാഹം കഴിച്ചത്.