ഉ​ദ്ഘാട​നം മ​മ്മൂ​ട്ടി നിർ​വ​ഹിക്കും

ബു​ധ​നാഴ്ച വൈ​കിട്ട് 7.30 മു​തൽ ടി​ക്ക​റ്റുകൾ ഓൺ​ലൈൻ വ​ഴി ബു​ക്ക് ചെയ്യാം

തിരുവനന്തപുരം:കാര്യവട്ടം ഗ്രീൻഫീൽഡ് സ്റ്റേഡിയ​ത്തിൽ ഡിസംബർ എട്ടിന് നടക്കുന്ന ഇന്ത്യ വെസ്റ്റിൻഡീസ് ട്വന്റി-20 ക്രിക്കറ്റ് മത്സ​ര​ത്തിന്റെ ഓൺ​ലൈൻ ടിക്ക​റ്റ് വിൽ​പ്പ​ന​ ഇ​ന്നാ​രം​ഭി​ക്കും. തിരുവനന്തപുരത്ത് നടക്കുന്ന ചടങ്ങിൽ നടൻ മ​മ്മൂ​ട്ടി ഓൺ​ലൈൻ ടി​ക്ക​റ്റ് വിൽപ്പന ഉ​ദ്ഘാട​നം ചെ​യ്യും. എം.എൽ​.എ വി​കെ പ്ര​ശാന്ത്, ബി​.സി​.സി​.ഐ ജോ​യിന്റ് സെ​ക്രട്ട​റി ജ​യേ​ഷ് ജോർ​ജ്, കെ.സി.എ സെ​ക്രട്ട​റി ശ്രീ​ജി​ത്ത് വി. നായർ, ട്വന്റി-20 ജ​ന​റൽ ക​ൺ​വീനർ സ​ജ​ൻ കെ. വർ​ഗീ​സ് തു​ട​ങ്ങി​യ​വർ പ​ങ്കെ​ടു​ക്കും. ഇന്ന് വൈ​കി​ട്ട് ഏ​ഴു മ​ണിക്കു ന​ട​ക്കു​ന്ന ഉ​ദ്ഘാ​ട​ന​ത്തി​ന് ശേ​ഷം മാ​ത്രമെ ടി​ക്ക​റ്റു​കൾ ഓൺ​ലൈ​നിൽ ല​ഭ്യ​മാ​കു. ടിക്കറ്റ് ബുക്കിങ്ങിനായുള്ള ലിങ്ക് കെ.സി.എ വെബ്‌​സൈറ്റിൽ ല​ഭി​ക്കും. കെ.സി.എയുടെ ടിക്കറ്റിങ് പാർട്ണർ പേടിഎം ആണ്.

ടിക്കറ്രെടുക്കാൻ

പേടി​എം ആ​പ്പ്, പേ​ടി​എം ഇൻ​സൈ​ഡർ, പേ​ടി​എംവെബ്‌സൈ​റ്റ് (www.insider.in, paytm.com, keralacricketassociation.com)എ​ന്നി​വ​ വ​ഴി ടി​ക്ക​റ്റുകൾ ഓൺ​ലൈ​നാ​യി ബു​ക്ക് ചെ​യ്യാം.

ടിക്കറ്റ് നിരക്ക്

അപ്പർ ടയർ - 1000 രൂപ,

ലോവർ ടയർ- 2000 രൂപ

സ്‌​പെഷ്യൽ ചെയർ-3000 രൂപ

എക്​സിക്യൂട്ടീവ് പവലിയനിൽ (ഭക്ഷണമുൾപ്പടെ) - 5000 രൂപ

(ജി.എസ്.ടിയും കേരള പ്രളയസെസും ഉൾപ്പടെയാണ് ഈ തുക).

വിദ്യാർത്ഥികൾക്ക്

വിദ്യാർഥികൾക്കായി 500 രൂപ നിരക്കിൽ ടിക്കറ്റുകൾ ലഭ്യമാകും. ടിക്കറ്റ് ബുക്ക് ചെയ്യുമ്പോൾ
സ്റ്റുഡന്റ് ഐ.ഡി കാർഡ് നൽകുകയും ഇതേ ഐ.ഡി സ്‌​റ്റേഡിയത്തിലെ പ്രവേശന കവാടത്തിൽ പരിശോധനയ്ക്ക് വിധേയമാക്കുകയും വേണം.

എത്ര ടിക്കറ്ര്

ഒരാൾക്ക് ഒരു ഇ-മെയിൽ ഐഡിയിൽ നിന്നും ഒരു മൊബൈൽ നമ്പറിൽ നിന്നും

ആറ് ടിക്കറ്റുകൾ വരെ ബുക്ക് ചെ​യ്യാം.

കളികാണാൻ വരുമ്പോൾ

രാത്രി ഏഴിന് തുടങ്ങുന്ന മത്സരത്തിനായി വൈകിട്ട് നാല് മുതൽ കാണികൾക്ക് പ്രവേശിക്കാം.

സ്‌​റ്റേഡിയത്തിൽ പ്രവേശിക്കുന്നതിനായി ഏതെങ്കിലും ഫോട്ടോ പതിച്ച ഐ.ഡികാർഡും പരിശോധനയ്ക്ക് വിധേയമാക്കണം.
ടിക്കറ്റിന്റെ മറുവശത്ത് സ്‌​റ്റേഡിയത്തിൽ അനുവദനീയവും നിരോധിതവുമായ കാര്യങ്ങൾ പ്രിന്റ് ചെയ്തിട്ടുണ്ട്. സ്റ്റേഡിയത്തിലേക്ക് കുപ്പിവെള്ളവും ശീതള പാനീയങ്ങളും പുറത്തുനിന്നും കൊണ്ടുവരാൻ അനുവദിക്കുന്നതല്ല.