ന്യൂഡൽഹി: ജമ്മു കശ്മീരിലെ സിയാച്ചിനിൽ സൈനിക ക്യാമ്പിന് നേരെ മഞ്ഞുമലയിടിഞ്ഞ് വീണ് രണ്ട് സൈനികർ മരിച്ചു. പട്രോൾ നടത്തിയിരുന്ന രണ്ട് സൈനികരാണ് മരിച്ചത്. മൂന്ന് പേർക്ക് പരിക്കേൽക്കുകയും ചെയ്തു. സംഭവത്തിന് രക്ഷാ സംഘം സ്ഥലത്തെത്തി പരിക്കേറ്റവരെ ഹെലിക്കോപ്റ്ററിൽ പുറത്തെത്തിച്ചു. രണ്ട് ദിവസം മുന്നെ സിയാച്ചനിൽ മഞ്ഞ് മലയിടിഞ്ഞ് ആറ് സൈനികർ മരിച്ചിരുന്നു. എട്ടംഗ പട്രോളിംഗ് സംഘമാണ് അപകടത്തിൽപ്പെട്ടത്. സമുദ്രനിരപ്പില്‍നിന്ന് 18,000 അടി ഉയരത്തിലുള്ള തെക്കൻ സിയാച്ചിൻ മലനിരകളിലാണ് അപകടം ഉണ്ടായത്.