ചെങ്ങന്നൂർ: കോടുകുളഞ്ഞി ശ്രീനാരായണ വിശ്വധർമ്മ മഠത്തിലെ പ്രതിഷ്ഠാ വാർഷികവും ശിവബോധാനന്ദ സ്വാമിയുടെ 53ാമത് ജന്മദിനാഘോഷത്തിന്റെയും ഭാഗമായുളള ജയന്തി സമ്മേളനവും ഇന്ന് രാവിലെ 9.30ന് ആശ്രമത്തിൽ നടക്കും. എസ്.എൻ.ഡി.പി യോഗം ജനറൽ സെക്രട്ടറി വെളളാപ്പളളി നടേശൻ ഉദ്ഘാടനം ചെയ്യും. എസ്.എൻ.ഡി.പി യോഗം ചെങ്ങന്നൂർ യൂണിയൻ ചെയർമാൻ ബി. സുരേഷ് ബാബു അദ്ധ്യക്ഷത വഹിക്കും. ജന്മദിന സന്ദേശം ഡോ. എ.വി ആനന്ദരാജ് നൽകും. എം.എൽ.എ മാരായ സജിചെറിയാൻ, ആർ. രാജേഷ്, ഗുരുവായൂർ സായി സഞ്ജീവനി ട്രസ്റ്റ് പ്രസിഡന്റ് സ്വാമി ഹരിനാരായണൻ എന്നിവർ മുഖ്യാതിഥികളായിരിക്കും. അയ്യപ്പസേവാ സംഘം പ്രസിഡന്റ് അഡ്വ. ഡി. വിജയകുമാർ, എൻ.എഫ്.പി.ആർ സംസ്ഥാന സെക്രട്ടറി ബി. കൃഷ്ണകുമാർ, അഡ്വ. ജോർജ്ജ് തോമസ്, പി.എം തോമസ്, ഗ്രാമപഞ്ചായത്ത് അംഗങ്ങളായ ബീനാ മാത്യു, മഹേന്ദ്രദാസ് എന്നിവർ ആശംസാ പ്രസംഗം നടത്തും. എസ്.എൻ.ഡി.പി യോഗം ചെങ്ങന്നൂർ യൂണിയൻ കൺവീനർ ബൈജു അറുകുഴി സ്വാഗതവും ആശ്രമസമിതി പ്രസിഡന്റ് സുരേഷ് മുടിയൂർക്കോണം നന്ദിയും പറയും.