>> ഡോക്ടറെ സ്ഥലംമാറ്റിയിട്ട് രണ്ടാഴ്ച കഴിഞ്ഞു

>> ദിവസേന വന്നുകൊണ്ടിരുന്നത് നൂറിലധികം രോഗികൾ

>> 12രോഗികൾക്ക് കിടത്തി ചികിത്സ

പത്തനംതിട്ട : കേ​ര​ള​ത്തി​ലെ ആ​ദ്യ ജില്ലാ പാ​ലി​യേ​റ്റീ​വ് യൂ​ണിറ്റിന്റെ പ്രവർത്തനം നിലച്ചു. കോഴഞ്ചേരിയിലെ ജില്ലാ ആശുപത്രിയിലെ പാലിയേറ്റീവ് സെന്ററാണ് ഡോക്ടർ ഇല്ലാത്തതുകാരണം പ്രതിസന്ധിയിലായത്. ജില്ലാ ആശുപത്രിയിലെ ഒാങ്കോളജിസ്റ്റും പാലിയേറ്റീവ് കെയറിന്റെ ചുമതല വഹിച്ചിരുന്നയാളുമായ ഡോ. കെ.ആർ. ദീപുവിനെ രണ്ടാഴ്ച മുൻപ് പാലക്കാട് ജില്ലാ ആശുപത്രിയിലേക്ക് സ്ഥലം മാറ്റിയിരുന്നു. പകരം ഡോക്ടറെ നിയമിക്കാതിരുന്നതോടെയാണ് പാലിയേറ്റീവ് കെയറിന്റെ പ്രവർത്തനം താറുമാറായത്.

ദിവസേന നൂറിലധികം കാൻസർ, പക്ഷാഘാത രോഗികളാണ് പാലിയേറ്റീവ് കെയർ യൂണിറ്റിൽ എത്തുന്നത്. ഒരേ സമയം അഞ്ച് രോഗികൾക്ക് കീമോതെറാപ്പി ചെയ്തിരുന്നു. രോഗമൂർദ്ധന്യാവസ്ഥയിലുളള 12രോഗികൾ ദിവസേനയെത്തുമായിരുന്നു. സൗജന്യമായാണ് ചികിത്സ. ഡോക്ടർ ഇല്ലാതെ വന്നതോടെ സ്വകാര്യ ആശുപത്രികളിൽ ആയിരക്കണക്കിന് രൂപ മുടക്കി ചികിത്സ തുടരേണ്ട ദുരവസ്ഥയിലാണ് രോഗികൾ.

ഏറെ ആശ്വാസം, സഹായകരം

2011ലാണ് പാലിയേറ്റീവ് കെയർ സെന്റർ പ്രവർത്തനം തുടങ്ങിയത്. 2015ൽ കീമോതെറാപ്പി തുടങ്ങി. ജില്ല​യി​ലെ ഏ​ക അം​ഗീകൃ​ത പാ​ലി​യേ​റ്റീ​വ് പ​രി​ശീ​ല​ന കേ​ന്ദ്രവും ഇ​വി​ടെ പ്ര​വർ​ത്തി​ച്ചു​വ​രുന്നു. കാൻ​സർ രോ​ഗി​കൾ അ​ട​ക്ക​മു​ള്ള പാ​ലി​യേ​റ്റീ​വ് പ​രി​ച​ര​ണ​ത്തി​ലു​ള്ള ജില്ല​യി​ലെ 53 പ​ഞ്ചാ​യ​ത്തി​ലെ​യും 4 മു​നി​സി​പ്പാ​ലി​റ്റി​യി​ലേയും പ്രൈ​മറി, സെ​ക്കന്റ​റി യൂ​ണി​റ്റു​ക​ളു​ടെയും റെ​ഫ​റൻ​സ് സെന്റർ ആ​ണി​ത്. 12 രോ​ഗി​കൾ​ക്ക് കി​ട​ത്തി​ചി​കി​ത്സാ സൗ​കര്യം, ഡോ​ക്ടർ​മാർക്കും ന​ഴ്​സു​മാർക്കുമുളള സർ​ട്ടി​ഫി​ക്കറ്റ് കോ​ഴ്​സ് പ​രി​ശീ​ല​ന കേ​ന്ദ്രം, ഗൃഹ കേ​ന്ദ്രീ​കൃ​ത പ​രി​ച​ര​ണം എ​ന്നി​വ ഈ യൂ​ണി​റ്റി​ലൂ​ടെ നൽകിവന്നിരുന്നു. പ്ര​തി​മാ​സം 1000ത്തി​ല​ധി​കം രോ​ഗി​കൾ​ക്കാണ് പാലിയേറ്റീവ് കെയർ സെന്ററിന്റെ സേവനം ലഭിച്ചിരുന്നത്.

>>

'' പാലിയേറ്റീവ് കെയർ യൂണിറ്റിൽ ഒാങ്കോളജിസ്റ്റിനെ ഉടൻ നിയമിക്കും. ഡോക്ടറെ ലഭിച്ചില്ലെങ്കിൽ പരിശീലനം നേടിയവരെ നിയമിച്ച് യൂണിറ്റിന്റെ പ്രവർത്തനം മുന്നോട്ടു കൊണ്ടുപോകും.

ജില്ലാ മെഡിക്കൽ ഒാഫീസർ.