തിരുവല്ല: എൻ.ജി.ഒ യൂണിയൻ സംഘടിപ്പിക്കുന്ന സർക്കാർ ജീവനക്കാരുടെ സംസ്ഥാന കലോത്സവം തിരുവല്ല എം.ജി.എം ഹയർ സെക്കൻഡറി സ്‌കൂളിൽ സിനിമ സംവിധായകൻ ബ്ലെസി ഉദ്​ഘാടനം ചെയ്തു. സ്വാഗത സംഘം ചെയർമാൻ സി.ജെ കുട്ടപ്പൻ അദ്ധ്യക്ഷത വഹിച്ചു. വീണാജോർജ് എം.എൽ.എ വിശിഷ്ട അതിഥി ആയിരുന്നു.
എൻ.ജി.ഒ യൂണിയൻ പ്രസിഡന്റ് ഇ. പ്രേംകുമാർ, ജനറൽ സെക്രട്ടറി ടി.സി മാത്തുക്കുട്ടി, സ്വാഗത സംഘം രക്ഷാധികാരി അഡ്വ. കെ.അനന്തഗോപൻ, കൺവീനർ സി.വി.സുരേഷ്​കുമാർ എന്നിവർ സംസാരിച്ചു. ലളിത ഗാനം ,ശാസ്ത്രീയ സംഗീതം , തിരുവാതിര, ഒപ്പന തുടങ്ങി പതിനെട്ടു ഇനങ്ങളിലാണ് മത്സരങ്ങൾ നടക്കുന്നത്.

സാമൂഹ്യമായ പ്രതികരണങ്ങളാണ് ഓരോ കലാകാരന്റെയും സൃഷ്ടികൾക്കു ചൈതന്യം ഉണ്ടാക്കുന്നത്. നീണ്ട മൗനവും മിതത്വവും പാലിക്കേണ്ട ഒരു പ്രഭാതതിനാണ് നാം ഓരോരുത്തരും ഉണർന്നിരിക്കുന്നത്. സംസാരങ്ങൾക്കും പ്രതികരണങ്ങൾക്കും കൂച്ചുവിലങ്ങ് സൃഷ്ടിക്കപ്പെട്ടുകൊണ്ടിരിക്കുന്ന അ വസ്ഥയിലാണ് ഓരോ കലാകാരനും കടന്നുപോകുന്നത്.

ബ്ലെസി

സിനിമാ സംവിധായകൻ

(ഉദ്ഘാടന സമ്മേളനത്തിൽ പറഞ്ഞത്)