അടൂർ: വിദ്യാഭ്യാസ ഉപജില്ലാ കലോത്സവം കടമ്പനാട് സെന്റ്.തോമസ് ഹയർസെക്കൻഡറി സ്‌കൂളിൽ ചിറ്റയം ഗോപകുമാർ എം.എൽ.എ ഉദ്​ഘാടനം ചെയ്തു. കടമ്പനാട് പഞ്ചായത്ത്​ പ്രസിഡന്റ്​ എ.ആർ.അജീഷ് കുമാർ അദ്ധ്യക്ഷത വഹിച്ചു. കലാമേളയുടെ ഉദ്​ഘാടനം കർണാടക സംഗീതജ്ഞൻ ഡോ.അടൂർ പി.സുദർശനൻ നിർവഹിച്ചു. ഉപജില്ലാ വിദ്യാഭ്യാസ ഓഫീസർ ബി.വിജയലക്ഷ്മി, ജില്ലാ പഞ്ചായത്ത്​ അംഗങ്ങളായ ടി.മുരുകേഷ്, ബി.സതികുമാരി, അഡ്വ.ആർ.ബി.രാജീവ്​ കുമാർ,ബ്ലോക്ക്​ പഞ്ചായത്ത്​ വൈസ് പ്രസിഡന്റ്​ എസ്.രാധാകൃഷ്ണൻ, പഞ്ചായത്ത്​ വിദ്യാഭ്യാസ സ്റ്റാന്റിംഗ് കമ്മിറ്റി ചെയർപേഴ്‌സൺ പി.ലീന,ജനപ്രതിനിധികളായ ബിജിലി ജോസഫ്, ബി.രഞ്ജിത്ത്, എസ്. അനൂപ്, രാധ മോൾ,പിടിഎ പ്രസിഡന്റ്​ ഷാജി പതാലിൽ,സെന്റ് തോമസ് കത്തീഡ്രൽ ട്രസ്റ്റി ജി. തോമസ്, വൈ.രാജൻ എന്നിവർ സംസാരിച്ചു.റിസപ്ഷൻ കമ്മിറ്റി കൺവീനർ മനോജ്​ പറക്കോട് കൃതജ്ഞത രേഖപ്പെടുത്തി.ആറ് വേദികളിലായി മൂവായിരത്തോളം കുട്ടികൾ വിവിധ മത്സര ഇനങ്ങളിലായി പങ്കെടുക്കുന്നുണ്ട്. കലോത്സവം 16ന് സമാപിക്കും. സമാപന സമ്മേളനം നാടൻ പാട്ട് കലാകാരൻ ജയചന്ദ്രൻ കടമ്പനാട് ഉദ്​ഘാടനം ചെയ്യും.