ഉള്ളന്നൂർ: എസ്.എൻ.ഡി.പിയോഗം ഉള്ളന്നൂർ 368 ാം ശാഖയുടെയും കേരളകൗമുദി പത്തനംതിട്ട യൂണിറ്റിന്റെയും നേതൃത്വത്തിൽ ബോധപൗർണമി അമ്മ അറിയാൻ സെമിനാർ 30ന് ശാഖാ ഹാളിൽ നടക്കും. ഉച്ച കഴിഞ്ഞ് 2.30ന് ശാഖാ പ്രസിഡന്റ് ജി. സത്യവ്രതന്റെ അദ്ധ്യക്ഷതയിൽ ചേരുന്ന സമ്മേളനം പന്തളം യൂണിയൻ സെക്രട്ടറി ഡോ.എ.വി.ആനന്ദരാജ് ഉദ്ഘാടനം ചെയ്യും. എക്സൈസ് പ്രിവന്റീവ് ഒാഫീസർ ശ്രീകുമാർ ബോധപൗർണമി ക്ളാസ് നയിക്കും. മല്ലപ്പുഴശേരി പ്രൈമറി ഹെൽത്ത് സെന്റർ ജൂനിയർ ഹെൽത്ത് ഇൻസ്പെക്ടർ നിസി നാരായണൻ ബോധവത്കരണ ക്ളാസെടുക്കും. കേരളകൗമുദി യൂണിറ്റ് ചീഫ് സാം ചെമ്പകത്തിൽ, യൂണിയൻ സെക്രട്ടറി വി.എസ്.ബിനുകുമാർ, വൈസ് പ്രസിഡന്റ് എസ്.സുരേശൻ,യൂണിയൻ കമ്മിറ്റിയംഗം സലിം ബി.പണിക്കർ എന്നിവർ സംസാരിക്കും.